De conformidade co establecido na Lei 39/2015, do 1 de outubro, do procedemento administrativo común das administracións públicas, e co obxecto de avanzar en facer efectivo o dereito da cidadanía a relacionarse electronicamente coas administracións públicas e a conseguinte obriga destas de dotarse dos medios e sistemas necesarios para que ese dereito se poida exercer, cómpre incorporar unha tramitación electrónica á fase de elección de destino das persoas aspirantes que superaron un proceso selectivo convocado pola Dirección Xeral de Emprego Público e Administración de Persoal.

A resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral de Emprego Público e Administración de Persoal, publicada no DOG núm. 16, do 24 de xaneiro.

Unha vez finalizado o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galicia, subgrupo C1, da escala de axentes de inspección, especialidade de vixilancia de estradas, convocado pola Resolución do 22 de xuño de 2022 (Diario Oficial de Galicia número 121, do 27 de xuño), unha vez acreditado o cumprimento dos requisitos exixidos nesta por parte das persoas aspirantes, co obxecto de adxudicarlles destinos provisionais, e segundo a base IV.6 da convocatoria, esta consellería

DISPÓN:

Primeiro. Publicar como anexo I a relación de persoas aspirantes que superaron o proceso selectivo e que son convocadas á elección de destino provisional, segundo a orde que, en aplicación da base IV.6 da convocatoria, se deberá seguir para os efectos da adxudicación de destino.

Segundo. Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao subgrupo a que acceden e de conformidade co indicado no anexo II desta resolución.

Terceiro. Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.

No prazo máximo de dous (2) días hábiles, contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico ao cal se poderá acceder a través da páxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Cuarto. Para a selección de destinos, as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións «Renuncia», «Solicitude de excedencia» ou «Escoller posto».

1º. De elixir a opción «Renuncia», deberaa presentar por escrito no Rexistro da Xunta de Galicia no mesmo prazo previsto na disposición terceira. A persoa aspirante que exerza esta opción quedará excluída do proceso e decaerá no seu dereito a ser nomeada persoal funcionario/a de carreira do subgrupo a que accede.

2º. De elixir a opción «Solicitude de excedencia», deberaa presentar por escrito no Rexistro da Xunta de Galicia no mesmo prazo previsto na disposición terceira, sempre que cumpra os requisitos exixidos no artigo 174 (excedencia por prestación de servizos no sector público) da Lei 2/2015, do 29 de abril, do emprego público de Galicia. Neste sentido, as persoas que a soliciten por prestaren servizos noutra Administración deberán presentar a documentación que acredite o cumprimento dos requisitos exixidos no mesmo prazo previsto na disposición terceira.

3º. De elixir a opción «Escoller posto», a persoa aspirante seleccionará, por orde de preferencia, os destinos que se ofertan. No suposto de que escolla un número de prazas inferior ao da posición que ocupa no proceso, as persoas aspirantes que cumpran os requisitos exixidos no artigo 174 da Lei 2/2015, do 29 de abril, do emprego público de Galicia, poderán solicitar ser declaradas en excedencia por prestación de servizos no sector público, o que deberán manifestar mediante a presentación dunha solicitude por escrito e no mesmo prazo previsto na disposición terceira, á cal deberán achegar tanto a copia da última orde de prelación dos postos ofertados e seleccionados no sistema electrónico, debidamente asinada, como, no caso de solicitala por prestaren servizos noutra Administración, a documentación que acredite o cumprimento dos requisitos exixidos.

Quinto. Ás persoas aspirantes que non presenten a súa solicitude de elección no prazo sinalado ou seleccionen un número de prazas inferior ao da posición que ocupan no proceso e non se lles adxudique ningún destino e non cumpran os requisitos para seren declaradas en excedencia, ou non presentasen a súa solicitude no xeito previsto nesta resolución, seranlles adxudicados en destino os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás aspirantes presentes ou representadas, entre os que queden sen adxudicar.

Sexto. Todas as comunicacións que formulen as persoas aspirantes se dirixirán á Consellería de Facenda e Administración Pública, Dirección Xeral de Emprego Público e Administración de Persoal, Servizo de Selección (Edificio Administrativo San Caetano. Santiago de Compostela). Para isto, deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal, ou ben presentarán a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Sétimo. Finalizado o prazo para a elección de destinos, a aplicación efectuará a adxudicación automática de destinos, en función do subgrupo a que se accede e a orde de prelación acadada por cada persoa aspirante no proceso, e atendendo á orde de preferencia na selección de destinos efectuada por esta.

A adxudicación provisional de postos resolverase mediante resolución da consellería competente en materia de función pública e publicarase no DOG.

As persoas aspirantes que obteñan un destino provisional deberán optar ás prazas que se oferten na elección de destino definitivo.

Oitavo. Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Noveno. Contra esta resolución, que pon fin á vía administrativa, poderase presentar recurso potestativo de reposición, ante o conselleiro de Facenda e Administración Pública, no prazo dun mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 22 de outubro de 2024

O conselleiro de Facenda e Administración Pública
P.D. (Orde do 8 de xaneiro de 2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO I

Nº orde	DNI	Apelidos e nome	Acceso
1	***6230**	Abeledo Gallego, Juan Carlos	Promoción interna
2	***6684**	López Pereira, Alejandro	Promoción interna
3	***1913**	Souto Lusquiños, Víctor	Promoción interna
4	***6686**	Gómez Fernández, Domingo	Promoción interna
5	***9736**	González Fernández, Rodrigo	Promoción interna
6	***9245**	García Gómez, José Carlos	Promoción interna
7	***0228**	Moure Varela, José Ángel	Promoción interna
8	***5641**	Salvador Núñez, José Javier	Promoción interna
9	***4090**	Núñez Rodríguez, Eulogio	Promoción interna
10	***5766**	Martínez Cabo, José	Promoción interna
11	***6080**	Basteiro Silva, Guillermo	Promoción interna
12	***2144**	Otero Mato, Óscar	Promoción interna
13	***1586**	Castro López, José Ángel	Promoción interna
14	***3350**	Maseda Prado, José Fernando	Promoción interna
15	***2261**	Hernández Rivas, Andrés	Base I.1.1
16	***4636**	Puebla González, Jaime	Promoción interna
17	***4379**	Molina Adame, Fernando	Promoción interna
18	***3332**	Pividal Seijo, Luis Ignacio	Promoción interna
19	***8615**	Rodríguez Ferrero, Rubén	Promoción interna
20	***5568**	Mato Bustelo, Juan José	Promoción interna
21	***1599**	Chamorro Regueira, Javier	Promoción interna
22	***6888**	Sarceda Fernández, José Manuel	Promoción interna
23	***2926**	Laso Novoa, José Manuel	Promoción interna
24	***3329**	Currás Gil, Yovana	Promoción interna
25	***1421**	Somoza López, María Nieves	Promoción interna
26	***5860**	Fernández Ares, José Luis	Promoción interna

ANEXO II

Prazas ofertadas

Nº	Código	Denominación	Cons.	Centro destino	Centro directivo	Concello	Subgrupo	Nivel	Formación
1	IVA191000015001145	Capataz de brigada	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
2	IVA191000015001143	Técnico/a auxiliar de obra	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
3	IVA191000015001142	Técnico/a auxiliar de obra	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
4	IVA191000015001141	Técnico/a auxiliar de obra	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
5	IVA191000015001140	Técnico/a auxiliar de obra	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
6	IVA191000015001174	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
7	IVA191000015001176	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
8	IVA191000015001178	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
9	IVA191000015001167	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
10	IVA191000015001168	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
11	IVA191000015001169	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
12	IVA191000015001171	Capataz de cuadrilla	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
13	IVA191000015001191	Oficial 1ª de obra	IV	Servizo Provincial da Axencia Galega de Infraestruturas da Coruña	Axencia Galega de Infraestruturas (servizos periféricos)	A Coruña	C1	18	Permiso de conducir B (R.I.)
14	IVA191000027001112	Celador/a de estradas	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
15	IVA191000027001141	Operador/a maquinaria pesada	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18
16	IVA191000027001105	Técnico/a auxiliar de obra	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
17	IVA191000027001106	Técnico/a auxiliar de obra	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
18	IVA191000027001107	Técnico/a auxiliar de obra	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
19	IVA191000027001116	Auxiliar técnico/a de obra TIEE	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
20	IVA191000027001117	Auxiliar técnico/a de obra TIEE	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
21	IVA191000027001121	Auxiliar técnico/a de obra TIEE	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
22	IVA191000027001147	Capataz de cuadrilla	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
23	IVA191000027001149	Capataz de cuadrilla	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
24	IVA191000027001153	Capataz de cuadrilla	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
25	IVA191000027001154	Capataz de cuadrilla	IV	Servizo Provincial da Axencia Galega de Infraestruturas de Lugo	Axencia Galega de Infraestruturas (servizos periféricos)	Lugo	C1	18	Permiso de conducir B (R.I.)
26	IVA191000032001142	Celador/a	IV	Servizo Provincial da Axencia Galega de Infraestruturas de Ourense	Axencia Galega de Infraestruturas (servizos periféricos)	Ourense	C1	18	Permiso de conducir B (R.I.)
27	IVA191000032001130	Técnico/a auxiliar de obra	IV	Servizo Provincial da Axencia Galega de Infraestruturas de Ourense	Axencia Galega de Infraestruturas (servizos periféricos)	Ourense	C1	18	Permiso de conducir B (R.I.)
28	IVA191000032001146	Auxiliar técnico/a de obra	IV	Servizo Provincial da Axencia Galega de Infraestruturas de Ourense	Axencia Galega de Infraestruturas (servizos periféricos)	Ourense	C1	18	Permiso de conducir B (R.I.)
29	IVA191000036001143	Encargado/a xeral	IV	Servizo Provincial da Axencia Galega de Infraestruturas de Pontevedra	Axencia Galega de Infraestruturas (servizos periféricos)	Pontevedra	C1	18	Permiso de conducir B (R.I.)
30	IVA191000036001180	Capataz de cuadrilla	IV	Servizo Provincial da Axencia Galega de Infraestruturas de Pontevedra	Axencia Galega de Infraestruturas (servizos periféricos)	Pontevedra	C1	18	Permiso de conducir B (R.I.)
31	IVA191000032001173	Operador/a maquinaria pesada	IV	Servizo Provincial da Axencia Galega de Infraestruturas de Ourense	Axencia Galega de Infraestruturas (servizos periféricos)	Ourense	C1	18
32	IVA191000036001151	Celador/a	IV	Servizo Provincial da Axencia Galega de Infraestruturas de Pontevedra	Axencia Galega de Infraestruturas (servizos periféricos)	Pontevedra	C1	18	Permiso de conducir B (R.I.)