Logo de solicitude do concesionario Monte Real Club de Yates de Baiona, a Presidencia de Portos de Galicia acordou o día 2 de maio de 2024 iniciar o trámite de modificación substancial da concesión para a construción e explotación de instalacións para a navegación recreativa no porto de Baiona.

O obxecto da modificación é a ampliación da lámina de auga concesionada e a creación de novas prazas de amarre.

En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público para que as persoas e entidades interesadas poidan presentar por escrito as alegacións que consideren oportunas na sede electrónica da Xunta de Galicia, https://sede.xunta.gal/portada, usando o procedemento xenérico PR004A, ou nun rexistro habilitado para o efecto, no prazo de vinte (20) días hábiles, contados a partir do seguinte ao de publicación deste anuncio no Diario Oficial de Galicia.

Santiago de Compostela, 16 de outubro de 2024

José Antonio Álvarez Vidal
Presidente de Portos de Galicia