De conformidade co establecido na Lei 39/2015, do 1 de outubro, do procedemento administrativo común das administracións públicas, e co obxecto de avanzar en facer efectivo o dereito da cidadanía a relacionarse electronicamente coas administracións públicas e a conseguinte obriga destas de dotarse dos medios e sistemas necesarios para que ese dereito poida exercerse, cómpre incorporar unha tramitación electrónica á fase de elección de destino das persoas aspirantes que superaron un proceso selectivo convocado pola Dirección Xeral de Emprego Público e Administración de Persoal.

A resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral de Emprego Público e Administración de Persoal, publicada no DOG núm. 16, do 24 de xaneiro.

Mediante a Resolución do 16 de decembro de 2021 (DOG núm. 241, do 17 de decembro) convocouse o proceso selectivo de acceso libre para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de arquitectos técnicos.

Mediante a Resolución do 16 de decembro de 2021 (DOG núm. 241, do 17 de decembro) convocouse o proceso selectivo de estabilización para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de arquitectos técnicos.

Unha vez finalizados os procesos selectivos citados e acreditado o cumprimento dos requisitos exixidos nas bases da convocatoria por parte das persoas aspirantes co obxecto de adxudicarlles destinos provisionais, e segundo a base IV.6 das respectivas convocatorias, esta consellería

DISPÓN:

Primeiro. Publicar como anexo I a relación de persoas aspirantes que superaron os procesos selectivos citados anteriormente e que, segundo a base IV.6 das respectivas convocatorias, son convocadas á elección de destino provisional, segundo a orde que deberá seguirse para os efectos da adxudicación de destino.

Segundo. Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao subgrupo a que acceden e de conformidade co indicado no anexo II desta resolución.

Terceiro. Dado que na presente convocatoria coexisten procesos de acceso libre e procesos de estabilización do mesmo subgrupo e prazas correspondentes a diferentes ofertas de emprego público, a orde para a elección de destino efectuarase de acordo cos seguintes criterios:

1º. A orde virá determinada polo ano de publicación da oferta pública de emprego, deste xeito, as ofertas mais antigas terán preferencia sobre as ofertas de emprego público máis recentes. No caso de que nunha convocatoria se acumulen prazas correspondentes a varias ofertas, tomarase como referencia a oferta máis antiga convocada.

2º. No caso de que as prazas convocadas en cada proceso selectivo (acceso libre ou estabilización) estean incluídas na mesma oferta de emprego público, terán preferencia para o acto de elección de destino as persoas que participan nos procesos de estabilización sobre as persoas que participan nos procesos de acceso libre.

Cuarto. Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.

No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico ao cal se poderá acceder a través da páxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Quinto. Para a selección de destinos, as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións de «Renuncia», «Solicitude de excedencia» ou «Escoller posto».

1º) De elixir a opción «Renuncia», deberaa presentar por escrito no Rexistro da Xunta de Galicia no mesmo prazo previsto na disposición cuarta. A persoa aspirante que exerza esta opción quedará excluída do proceso e decaerá no seu dereito a ser nomeada persoal funcionario de carreira do subgrupo a que accede.

2º) De elixir a opción «Solicitude de excedencia», deberaa presentar por escrito no Rexistro da Xunta de Galicia no mesmo prazo previsto na disposición cuarta, sempre que cumpra os requisitos exixidos no artigo 174 (excedencia por prestación de servizos no sector público) da Lei 2/2015, do 29 de abril, de emprego público de Galicia. Neste sentido, as persoas que a soliciten por prestaren servizos noutra Administración deberán presentar a documentación que acredite o cumprimento dos requisitos exixidos no mesmo prazo previsto na disposición cuarta.

3º) De elixir a opción «Escoller posto», a persoa aspirante seleccionará, por orde de preferencia, os destinos que se ofertan. No suposto de que escolla un número de prazas inferior ao da posición que ocupa no proceso, as persoas aspirantes que cumpran os requisitos exixidos no artigo 174 da Lei 2/2015, do 29 de abril, de emprego público de Galicia, poderán solicitar seren declaradas en excedencia por prestación de servizos no sector público; o que deberán manifestar mediante a presentación dunha solicitude por escrito e no mesmo prazo previsto na disposición cuarta, á cal deberán achegar tanto a copia da última orde de prelación dos postos ofertados e seleccionados no sistema electrónico debidamente asinada como, no caso de solicitala por prestar servizos noutra Administración, a documentación que acredite o cumprimento dos requisitos exixidos.

Sexto. Ás persoas aspirantes que non presenten a súa solicitude de elección no prazo sinalado, ou seleccionen un número de prazas inferior ao da posición que ocupan no proceso, non se lles adxudique ningún destino e non cumpran os requisitos para seren declaradas en excedencia, ou non presentasen a súa solicitude no xeito previsto nesta resolución, seranlles adxudicados en destino os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás persoas aspirantes presentes ou representadas, entre os que quedasen sen adxudicar.

Sétimo. Todas as comunicacións que formulen as persoas aspirantes dirixiranse á Consellería de Facenda e Administración Pública, Dirección Xeral de Emprego Público e Administración de Persoal, Servizo de Selección (Edificio Administrativo San Caetano, Santiago de Compostela). Para isto deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal; ou ben presentará a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Oitavo. Finalizado o prazo para a elección de destinos, a aplicación efectuará a adxudicación automática de destinos, en función do subgrupo a que se accede e a orde de prelación acadada por cada persoa aspirante no proceso e atendendo á orde de preferencia na selección de destinos efectuada por esta.

A adxudicación provisional de postos resolverase mediante resolución da consellería competente en materia de función pública e publicarase no DOG.

As persoas aspirantes nomeadas persoal funcionario de carreira e adxudicatarias con destinos provisionais dos postos de traballo relacionados nesta resolución disporán do prazo dun mes para tomar posesión do seu destino, desde o día seguinte ao da publicación no DOG.

Noveno. Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Décimo. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 8 de novembro de 2024

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO I

Nº de orde de elección de destino	Nº de orde no proceso selectivo	NIF	Apelidos e nome	Proceso selectivo	Ano OPE	Acceso
1	1	***7339**	Arias Rodríguez, José Antonio	Arquitectos técnicos-estabilización	2018, 2020	Libre
2	2	***1860**	Visos Fiaño, Antonio	Arquitectos técnicos-estabilización	2018, 2020	Libre
3	1	***1524**	Ansede Ogando, Ana María	Arquitectos técnicos-acceso libre	2018	Libre
4	2	***5263**	Santamaría Vázquez, Susana	Arquitectos técnicos-acceso libre	2018	Libre
5	3	***6757**	Linares Avila, María del Pilar	Arquitectos técnicos-acceso libre	2018	Libre
6	4	***4739**	González Román, José Benito	Arquitectos técnicos-acceso libre	2018	Libre
7	5	***6373**	Ferreiroa González, José Manuel	Arquitectos técnicos-acceso libre	2018	Libre
8	6	***2635**	Martínez de la Cruz, Julio Antonio	Arquitectos técnicos-acceso libre	2018	Libre
9	7	***7927**	Fernández García, Borja	Arquitectos técnicos-acceso libre	2018	Libre
10	8	***5191**	Penas López, Daniel	Arquitectos técnicos-acceso libre	2018	Libre
11	9	***7042**	González Aguiar, Mónica	Arquitectos técnicos-acceso libre	2018	Libre
12	10	***9006**	Presas Rodríguez, María Luisa	Arquitectos técnicos-acceso libre	2018	Libre
13	11	***4686**	Fernández Dopazo, Sonia María	Arquitectos técnicos-acceso libre	2018	Libre
14	12	***2706**	Martínez Ruibal, Juan Antonio	Arquitectos técnicos-acceso libre	2018	Libre
15	13	***0755**	Abelleira Lence, Susana María	Arquitectos técnicos-acceso libre	2018	Libre
16	14	***2876**	González Álvarez, Diego	Arquitectos técnicos-acceso libre	2018	Libre
17	15	***7809**	Anido Puente, Ana	Arquitectos técnicos-acceso libre	2018	Libre
18	16	***2424**	Camino Vilariño, María Isabel	Arquitectos técnicos-acceso libre	2018	Libre
19	17	***6311**	Trigo González, Ana Belén	Arquitectos técnicos-acceso libre	2018	Libre
20	18	***1205**	Salorio Álvarez, Francisco Javier	Arquitectos técnicos-acceso libre	2018	Libre
21	19	***8430**	Castiñeiras Lesende, Ana	Arquitectos técnicos-acceso libre	2018	Libre
22	20	***0642**	Rancaño Borras, Susana	Arquitectos técnicos-acceso libre	2018	Libre
23	21	***0706**	Novo Sánchez, Sandra	Arquitectos técnicos-acceso libre	2018	Libre
24	22	***4563**	Eijo Nogueira, David	Arquitectos técnicos-acceso libre	2018	Libre
25	23	***3017**	Rivero Martínez, Yolanda	Arquitectos técnicos-acceso libre	2018	Libre

ANEXO II

Prazas ofertadas

Nº	Código	Denominación	Cons.	Centro de destino	Centro directivo	Concello	Subgrupo	Nivel	Formación
1	IVA100000415770085	Xefatura da Sección Técnica III	IV	Área de Construción e Conservación	Axencia Galega de Infraestruturas (AXI)	Santiago de Compostela	A2	25
2	FCA291000027001130	Xefatura de sección facultativo/a técnico/a	FC	Delegación Lugo	Axencia Tributaria de Galicia (servizos periféricos)	Lugo	A2	25
3	EDC991000027001194	Xefatura da Sección da Unidade Técnica	ED	Xefatura Territorial de Lugo	Servizos periféricos	Lugo	A2	25
4	EDC991000036001222	Xefatura da Sección da Unidade Técnica	ED	Xefatura Territorial de Pontevedra	Servizos periféricos	Pontevedra	A2	25
5	FCC020000215770015	Xefatura da Sección Técnica	FC	S. X. do Patrimonio	Secretaría Xeral Técnica e do Patrimonio	Santiago de Compostela	A2	25
6	MAO191000032001085	Arquitecto/a técnico/a de funcións facultativas	IV	Área Provincial Ourense	IGVS/áreas provinciais	Ourense	A2	22	Carné de conducir B1 (mérito)
7	MAC991000032001014	Arquitecto/a técnico/a de funcións facultativas	MA	Xefatura Territorial de Ourense	Servizos periféricos	Ourense	A2	22
8	MAC991000036001012	Arquitecto/a técnico/a de funcións facultativas	MA	Xefatura Territorial de Pontevedra	Servizos periféricos	Pontevedra	A2	22
9	EDC991000036001217	Arquitecto/a técnico/a	ED	Xefatura Territorial de Pontevedra	Servizos periféricos	Pontevedra	A2	22
10	IVA100000415770080	Xefatura da Sección Técnica II	IV	Área de Construción e Conservación	Axencia Galega de Infraestruturas (AXI)	Santiago de Compostela	A2	25
11	IVA100000415770087	Xefatura da Sección Técnica IV	IV	Área de Construción e Conservación	Axencia Galega de Infraestruturas (AXI)	Santiago de Compostela	A2	25
12	EDC991000036001224	Xefatura da Sección da Unidade Técnica	ED	Xefatura Territorial de Pontevedra	Servizos periféricos	Pontevedra	A2	25
13	MAO191000036001086	Arquitecto/a técnico/a de funcións facultativas	IV	Área Provincial Pontevedra	IGVS/áreas provinciais	Pontevedra	A2	22	Carné de conducir B1 (mérito)
14	MAO191000027001087	Arquitecto/a técnico/a de funcións facultativas	IV	Área Provincial Lugo	IGVS/áreas provinciais	Lugo	A2	22	Carné de conducir B1 (mérito)
15	FCA291000015001187	Xefatura de sección facultativo/a técnico/a	FC	Delegación A Coruña	Axencia Tributaria de Galicia (servizos periféricos)	A Coruña	A2	25
16	MAO191000027001086	Arquitecto/a técnico/a de funcións facultativas	IV	Área Provincial Lugo	IGVS/áreas provinciais	Lugo	A2	22	Carné de conducir B1 (mérito)
17	MAO191000027001085	Arquitecto/a técnico/a de funcións facultativas	IV	Área Provincial Lugo	IGVS/áreas provinciais	Lugo	A2	22
18	MAO191000036001085	Arquitecto/a técnico/a de funcións facultativas	IV	Área Provincial Pontevedra	IGVS/áreas provinciais	Pontevedra	A2	22	Carné de conducir B1 (mérito)
19	PSC991000036560135	Arquitecto/a técnico/a de funcións facultativas	PS	Xefatura Territorial de Vigo	Servizos periféricos	Vigo	A2	22
20	PSC020000615770030	Arquitecto/a técnico/a de funcións facultativas	PS	S. X. de Proxectos e Informes Técnicos Sectoriais	Secretaría Xeral Técnica	Santiago de Compostela	A2	22
21	MAO191000015001090	Arquitecto/a técnico/a de funcións facultativas	IV	Área Provincial A Coruña	IGVS/áreas provinciais	A Coruña	A2	22	Carné de conducir B1 (mérito)
22	MAO191000015001089	Arquitecto/a técnico/a de funcións facultativas	IV	Área Provincial A Coruña	IGVS/áreas provinciais	A Coruña	A2	22	Carné de conducir B1 (mérito)
23	EDC991000015001261	Xefatura da Sección da Oficina de Supervisión de Proxectos	ED	Xefatura Territorial da Coruña	Servizos periféricos	A Coruña	A2	25
24	EDC991000015001247	Xefatura da Sección da Unidade Técnica	ED	Xefatura Territorial da Coruña	Servizos periféricos	A Coruña	A2	25
25	EDC991000036001223	Xefatura da Sección da Unidade Técnica	ED	Xefatura Territorial de Pontevedra	Servizos periféricos	Pontevedra	A2	25