Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida América, nº 38, 28028 Madrid.

Denominación: substitución apoio 9V221LH8//100-4 da LMTA LOZ803B.

Situación: Poio.

Características técnicas:

Substitución do apoio 9V221LH8//100-4 da liña de media tensión aérea (LMTA) LOZ803B por un apoio C-1000/16.

LMTA a 20 kV, con condutor LA-56, de 124 metros de lonxitude, con orixe no apoio proxectado 9V221LH8//100-4 C-1000/16 e final no apoio existente 9UXKXGQX//100-5.

Retensado do van comprendido entre o apoio proxectado C-1000/16 e o existente 9V4HT796//100-3 (125 metros de condutor LA-30).

A instalación está situada en Arén, na parroquia de Samieira, no municipio de Poio (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións neste departamento territorial, avenida María Victoria Moreno, nº 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta no portal da Consellería de Economía e Industria (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 22 de outubro de 2024

Beatriz López del Olmo
Directora territorial de Pontevedra

ANEXO

Nº de expediente: IN407A 2024/314-4.

Denominación: substitución apoio 9V221LH8//100-4 da LMTA LOZ803B.

Concello: Poio.

Nº	Lugar	Terreo	Referencia catastral	Titular	Apoio (m2)
1	Maceiras	Rústico	36041A002000780000OF	Sofía Starasilis Portas	2,00