De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e na Orde da Consellería de Sanidade do 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, convocouse mediante Resolución CM 3/2024, do 18 de xuño (DOG núm. 123, do 26 de xuño), a provisión, polo sistema de concurso de méritos, de dous postos de xefatura de grupo do persoal de xestión e servizos dos centros de saúde.
Con base no Decreto 145/2024, do 20 de maio, polo que se establece a estrutura orgánica do Servizo Galego de Saúde; na Orde do 22 de abril de 2020 sobre delegación de competencias en órganos centrais e periféricos do Servizo Galego de Saúde, e no Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia, esta xerencia
DISPÓN:
Primeiro. Resolver a convocatoria pública para a provisión de dous postos de xefatura de grupo do persoal de xestión e servizos dos centros de saúde, convocada pola Resolución do 18 de xuño de 2024.
Segundo. Nomear para os postos que se indican as persoas citadas no anexo desta resolución.
Terceiro. Os aspirantes nomeados deberán cesar na praza que desempeñen dentro dos tres días hábiles seguintes a aquel en que se publique esta resolución no Diario Oficial de Galicia.
A toma de posesión do posto de traballo adxudicado deberá efectuarse dentro dos dous días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de sete días hábiles, se son de distinta área de saúde.
Para estes efectos entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional, ou comisión de servizos.
Se así o permiten as necesidades do servizo e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a consideración de servizo activo e percibiranse os correspondentes haberes de conformidade co que estableza a orde sobre a confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular e será declarado nesa situación polo órgano competente quen non se incorpore ao posto adxudicado no prazo establecido.
Cuarto. Contra esta resolución poderase interpoñer recurso de alzada ante a Dirección Xeral de Recursos Humanos do Servizo Galego de Saúde, no prazo dun mes a partir do día seguinte ao da súa publicación, nos termos previstos nos artigos 121 e seguintes da Lei 39/2015, do 1 de outubro, do procedemento administrativo común das administracións públicas.
Vigo, 11 de novembro de 2024
Francisco Javier Puente Prieto
Xerente da Área Sanitaria de Vigo
ANEXO
1. Denominación do posto: xefe/a de grupo do persoal de xestión e servizos do Servizo de Atención Primaria da Guarda, na Área Sanitaria de Vigo.
Nome e apelidos: Luis Miguel Pérez Álvarez.
DNI: ***7801**.
2. Denominación do posto: xefe/a de grupo do persoal de xestión e servizos do Servizo de Atención Primaria de Moaña, na Área Sanitaria de Vigo.
Nome e apelidos: Rosa Clara Corrales Sanluis.
DNI: ***0815**.