O Pleno da Corporación, en sesión do 18 de novembro de 2024, aprobou inicialmente o proxecto de expropiación de terreos, bens e dereitos afectados polo Plan especial de infraestruturas e dotacións (PEID)-ampliación do sistema xeral de equipamento SG-EQ.4 (área deportiva Lalín-Arena), redactado conxuntamente polo arquitecto municipal Javier Bugallo Thielem e polo enxeñeiro de montes e técnico de agricultura municipal Francisco Guerra García, do 12 de novembro de 2024 (expediente 4670/2024).

Conforme o disposto no artigo 118 da Lei 2/2016, do 10 de febreiro, do solo de Galicia, sométese a información pública, polo prazo dun mes, contado desde o día seguinte a aquel en que teña lugar a publicación deste anuncio no Diario Oficial de Galicia, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos.

Lalín, 18 de novembro de 2024

O alcalde
P.D. (Decreto da Alcaldía do 7.7.2023; BOP do 14 de xullo)
Pablo Areán González
Concelleiro de Urbanismo