DOG 227 do 25/11/2024 - RESOLUCIÓN do 15 de novembro de 2024 pola que se procede ao nomeamento como persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de ciencias, especialidade de química, das persoas aspirantes que superaron o proceso selectivo de acceso libre ou de estabilización convocados polas resolucións do 16 de decembro de 2021 (Diario Oficial de Galicia número 241, do 17 de decembro).

IV. Oposicións e concursos

Consellería de Facenda e Administración Pública

RESOLUCIÓN do 15 de novembro de 2024 pola que se procede ao nomeamento como persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de ciencias, especialidade de química, das persoas aspirantes que superaron o proceso selectivo de acceso libre ou de estabilización convocados polas resolucións do 16 de decembro de 2021 (Diario Oficial de Galicia número 241, do 17 de decembro).

Unha vez rematados os procesos selectivos de acceso libre e de estabilización para o ingreso no corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de ciencias, especialidade de química, convocados polas resolucións do 16 de decembro de 2021 (DOG núm. 241, do 17 de decembro), e realizado o acto de elección de destino provisional previsto na Resolución do 18 de outubro de 2024 (DOG núm. 209, do 29 de outubro), esta consellería, de conformidade co disposto na Lei 2/2015, do 29 de abril, do emprego público de Galicia, e nas demais normas concordantes,

RESOLVE:

Primeiro. Nomear persoal funcionario de carreira do corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de ciencias, especialidade de química, ás persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destinos provisionais, segundo o disposto na base IV.6, os que figuran no mesmo anexo.

Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computar a partir do día seguinte ao da publicación desta resolución no Diario Oficial de Galicia.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da baixa médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.

Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de novembro de 2024

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO

Nº	NIF	Apelidos e nome	Posto elixido	Código do posto	Denominación	Cons.	Centro destino	Centro directivo	Concello	Subgrupo	Niv.	Formación
1	*6578	Velo Cid, Mónica	6	MAC030000115770016	Xefatura Sección Control Ambiental	MA	S. X. de Coordinación Ambiental	Dirección Xeral de Calidade Ambiental, Sostibilidade e Cambio Climático	Santiago de Compostela	A1	25	Permiso conducir B
2	*3464	Chantada Adán, Paula	8	MAC030000115770028	Xefatura Unidade Intervención Ambiental IV	MA	S. X. de Coordinación Ambiental	Dirección Xeral de Calidade Ambiental, Sostibilidade e Cambio Climático	Santiago de Compostela	A1	25	Permiso conducir B
3	*8569	Cerviño Álvarez, Raúl	4	MAC030040115001018	Titulado/a superior Laboratorio	MA	Laboratorio de Medio Ambiente de Galicia (A Coruña)	Dirección Xeral de Calidade Ambiental, Sostibilidade e Cambio Climático	A Coruña	A1	22
4	*0734	Cajaraville Leiro, Ana	2	IVE100000015770048	Posto base Subgrupo A1	MA	Dirección	Entidade Pública Empresarial Augas de Galicia	Santiago de Compostela	A1	20
5	*0186	Neira García, Iago	1	MRA113000315010018	Responsable técnico de Análises de bebidas	MR	Laboratorio Agrario e Fitopatolóxico de Galicia (Mabegondo- A Coruña)	Axencia Galega de Calidade Agroalimentaria (Agacal)	Abegondo	A1	25
6	*8081	Gómez Ruiz, Alejandro	7	MRA113100332400011	Posto base Subgrupo A1	MR	Estación de Viticultura e Enoloxía de Galicia (Leiro-Ourense)	Axencia Galega de Calidade Agroalimentaria (Agacal)	Leiro	A1	20
7	*3233	Roel Mosquera, Laura	9	MRA113100332400010	Posto base Subgrupo A1	MR	Estación de Viticultura e Enoloxía de Galicia (Leiro-Ourense)	Axencia Galega de Calidade Agroalimentaria (Agacal)	Leiro	A1	20