No Boletín Oficial da provincia de Pontevedra nº 211, do 29 de outubro de 2024, publicáronse as bases xerais da convocatoria para a selección, mediante promoción interna, de dúas prazas de administrativo, como persoal laboral, incluída na oferta de emprego público do ano 2024, aprobada mediante Decreto da Alcaldía núm. 2024-0394, do 22 de agosto.

O prazo de presentación de solicitudes será de vinte (20) días naturais, en calquera das formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas, contados desde o día seguinte ao da publicación do correspondente anuncio no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos no taboleiro de anuncios municipal do Concello de Vila de Cruces-Pontevedra.

Vila de Cruces, 30 de outubro de 2024

Luís Celso Taboada Sánchez
Alcalde