Na sesión que tivo lugar o día 26 de novembro de 2024, o tribunal nomeado pola Resolución do 29 de maio de 2024 (DOG núm. 108, do 5 de xuño) para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, nas categorías 10B, 10C, 14 e 14A do grupo V de persoal laboral da Xunta de Galicia, convocado pola Resolución do 22 de decembro (DOG núm. 244, do 26 de decembro), modificada pola Resolución do 20 de xaneiro de 2023 (DOG núm. 15, do 23 de xaneiro) e pola Resolución do 6 de febreiro de 2023 (DOG núm. 26, do 7 de febreiro) (corrección de erros no DOG núm. 64, do 31 de marzo),

ACORDOU:

Convocar o día 2 de decembro de 2024, na Escola Galega de Administración Pública (EGAP), situada na rúa de Madrid, núm. 2-4, 15707 Santiago de Compostela (A Coruña), para a realización da proba visual, de conformidade co disposto na base 2.7.3 da Resolución do 20 de xaneiro de 2023 (DOG núm. 15, do 23 de xaneiro), as persoas aspirantes das categorías 10B e 10C do grupo V do persoal laboral da Xunta de Galicia, en chamamento único, segundo a distribución que se publicará no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta

Santiago de Compostela, 26 de novembro de 2024

José Luis Soto Campos
Presidente do tribunal