Unha vez rematados os procesos selectivos de acceso libre e de estabilización para o ingreso no corpo facultativo de grao medio da Administración especial da Administración xeral da Comunidade Autónoma de Galicia, subgrupo A2, escala de enxeñaría técnica, especialidade de enxeñaría técnica industrial, convocados polas resolucións do 16 de decembro de 2021 (DOG núm. 241, do 17 de decembro), e realizado o acto de elección de destino provisional previsto na Resolución do 5 de novembro de 2024 (DOG núm. 217, do 11 de novembro), esta consellería, de conformidade co disposto na Lei 2/2015, do 29 de abril, do emprego público de Galicia e demais normas concordantes,

RESOLVE:

Primeiro. Nomear persoal funcionario de carreira do corpo facultativo de grao medio da Administración especial da Administración xeral da Comunidade Autónoma de Galicia, subgrupo A2, escala de enxeñaría técnica, especialidade de enxeñaría técnica industrial, as persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destinos provisionais, segundo o disposto na base IV.6, os que figuran no mesmo anexo.

Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galicia.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da baixa médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 22 de novembro de 2024

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO

Nº	NIF	Apelidos e nome	Posto elixido	Código do posto	Denominación	Cons.	Centro destino	Centro directivo	Concello	Subgrupo	Nivel
1	***7644**	Fernández Caloto, Manuela	2	MAC030000315770015	Sección autoriz. produtores e xestores de residuos	MA	S. X. de Residuos	Dirección Xeral de Calidade Ambiental, Sostibilidade e Cambio Climático	Santiago de Compostela	A2	25
2	***6728**	Arias Gil, Magaly	Excedencia voluntaria por prestación de servizos no sector público
3	***7091**	Elías Santos, María Jesús	Excedencia voluntaria por prestación de servizos no sector público
4	***9033**	Aymerich Rico, Ana María	Excedencia voluntaria por prestación de servizos no sector público
5	***5537**	Lamelas Rodríguez, María Luisa	7	IVA100000415770015	Xefatura sección técnica I	IV	Área de Construción e Conservación	Axencia Galega de Infraestruturas (AXI)	Santiago de Compostela	A2	25
6	***1885**	González Maciel, José Luis	4	EIC040000015770037	Enxeñeiro/a técnico/a de funcións facultativas	EI	D. X. de Planificación Enerxética e Recursos Naturais	Dirección Xeral de Planificación Enerxética e Recursos Naturais	Santiago de Compostela	A2	22
7	***2842**	Zoido Ferrero, Cristina	5	EIC040000015770038	Enxeñeiro/a técnico/a de funcións facultativas	EI	D. X. de Planificación Enerxética e Recursos Naturais	Dirección Xeral de Planificación Enerxética e Recursos Naturais	Santiago de Compostela	A2	22