De acordo co previsto na disposición adicional segunda, puntos 1 e 2, do Regulamento do dominio público hidráulico, aprobado polo Real decreto 849/1986, do 11 de abril, e posteriormente modificado para os efectos do presente anuncio polo Real decreto 665/2023, do 18 de xullo, sométese a información pública o inventario de aglomeracións urbanas situadas no ámbito territorial da demarcación hidrográfica de Galicia-Costa que están obrigadas a elaborar plans integrais de xestión dos sistemas de saneamento (PIXSS), de acordo cos criterios do artigo 259 quinquies, 2.a) e 2.b) do mencionado regulamento.

O dito inventario pode consultarse no portal web de Augas de Galicia:

https://augasdegalicia.xunta.gal/seccion-tema/c/Planificacion_do_saneamento?content=/Portal-Web/Contidos_Augas_Galicia/Seccions/plans-integrais-xestion-sistema-saneamento/seccion.html&std=inventario-aglomeracions-urbanas.html

As persoas interesadas poden presentar alegacións perante Augas de Galicia (praza de Camilo Díaz Baliño, 7-9, 15781 Santiago de Compostela, https://augasdegalicia.xunta.gal) no prazo dun mes contado desde a publicación deste anuncio no Diario Oficial de Galicia.

Santiago de Compostela, 19 de novembro de 2024

Roberto Arias Sánchez
Comisario de Augas