Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, anexo XII do Regulamento (UE) núm. 1303/2013 do Parlamento Europeo e do Consello, do 17 de decembro de 2013, dáse publicidade ás actuacións contratadas, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a continuación se indican, por razón do seu cofinanciamento pola Unión Europea:

1) Entidade adxudicadora:

Entidade: Augas de Galicia, entidade pública empresarial adscrita á Consellería de Medio Ambiente e Cambio Climático da Xunta de Galicia.

Actividade principal exercida: infraestruturas e servizos hidráulicos.

Enderezo da internet: http://augasdegalicia.xunta.gal/

Perfil de contratante: http://www.contratosdegalicia.gal/consultaOrganismo.jsp?N=216. Tamén se terá acceso ao perfil de contratante dende a Plataforma de contratos públicos de Galicia https://www.contratosdegalicia.gal, accesible, así mesmo, no portal web institucional da Xunta de Galicia https://www.xunta.gal e na sede electrónica da Xunta de Galicia https://sede.xunta.gal, no Portal de transparencia de Galicia https://transparencia.xunta.gal, na Plataforma de contratación do sector público https://contrataciondelestado.es por medio de ligazóns de interese ás plataformas de contratación das comunidades autónomas, e na páxina web https://augasdegalicia.xunta.gal/

Dependencia que tramita os expedientes: Contratación.

Tipo de contrato: obra.

Tramitación: ordinaria.

Procedemento de adxudicación: contrato menor (artigo 118 da LCSP).

2) Obxecto dos contratos:

a) Título: contrato menor de obra de recuamento de liña eléctrica no parque San Martiño. Carballo (A Coruña).

Referencia do expediente: AUG-2024-0024.

CPV (referencia de nomenclatura): 45259000-7. Reparación e mantemento de instalacións.

Orzamento base: importe neto: 38.868,88 euros. Importe total: 47.031,34 euros.

Prazo de execución: un (1) mes.

Importe da adxudicación: importe neto: 38.853,88 euros. Importe total: 47.013,19 euros.

Empresa contratista: Prace, Servicios y Obras, S.A.

b) Título: contrato menor de obra na área de risco potencial significativo de inundación (ARPSI) río Ulla e río Sar-ES014-CP 05-02-11 mediante actuacións na canle do río Valga para mellorar o seu comportamento hidráulico.

Referencia do expediente: AUG-2024-0126.

CPV (referencia de nomenclatura): 45246100-4. Construción de muros de canalización.

Orzamento base: importe neto: 37.353,56 euros. Importe total: 45.197,81 euros.

Prazo de execución: 2 meses.

Importe da adxudicación: importe neto: 36.940,34 euros. Importe total: 44.697,81 euros.

Empresa contratista: Construcciones Cernadas, S.L.

c) Título: contrato menor de obra de actuacións específicas para a eliminación de verteduras na enseada da Malata. Ferrol (A Coruña).

Referencia do expediente: AUG-2024-0041.

CPV (referencia de nomenclatura): 45232440-8 Traballos de construción de tubaxes para augas residuais.

Orzamento base: importe neto: 38.993,89 euros. Importe total: 47.182,61 euros.

Prazo de execución: 2 meses.

Importe da adxudicación: importe neto: 38.950,00 euros. Importe total: 47.129,50 euros.

Empresa contratista: S.A. de Obras y Servicios (Copasa).

3) Información sobre os contratos relacionados cun proxecto ou programa financiado con fondos da Unión Europea:

Actuacións referidas no punto 2) anterior cofinanciadas pola Unión Europea a través do Fondo Europeo de Desenvolvemento Rexional (Feder) nun 60% do gasto elixible, no marco do programa operativo Feder Galicia 2021-2027.

As actuacións enmárcanse dentro do programa operativo no obxectivo político 2: unha Europa máis verde, hipocarbónica e en transición cara a unha economía con cero emisións netas de carbono e resiliente, promovendo unha transición enerxética limpa e equitativa, o investimento verde e azul, a economía circular, a mitigación do cambio climático e a adaptación a el, a prevención e xestión de riscos e a mobilidade urbana sustentable; prioridade P2A: transición verde; obxectivo específico 2.4: favorecer a adaptación ao cambio climático e a prevención do risco de catástrofes, así como a resiliencia, tendo en conta os enfoques baseados nos ecosistemas; liña de actuación 2.4.01: actuacións de preservación dos recursos hídricos, os seus ecosistemas e preparación, protección e resposta fronte a inundacións.

Santiago de Compostela, 22 de novembro de 2024

A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roi Fernández Añón
Director de Augas de Galicia