Asunto: proxecto de expropiación dos bens e dereitos afectados pola ampliación do parque empresarial de Palas de Rei-Lugo, fase III.

Concello: Palas de Rei.

Promotor: Xestión do Solo de Galicia-Xestur, S.A.

Administración expropiante: Consellería de Economía e Industria-Dirección Xeral de Estratexia Industrial e Solo Empresarial.

A directora xeral de Estratexia Industrial e Solo Empresarial, mediante a Resolución do 18 de outubro de 2024, publicada no Diario Oficial de Galicia núm. 219, do 13 de novembro, acordou aprobar inicialmente e someter a información pública o proxecto de expropiación forzosa para a ampliación do parque empresarial de Palas de Rei-Lugo (fase III).

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación persoal nos termos establecidos na dita Lei 39/2015, emprázanse as persoas interesadas que se sinalan no anexo de este anuncio para seren notificadas por comparecencia.

A comparecencia para coñecer o contido íntegro do acordo adoptado pola directora xeral de Estratexia Industrial e Solo Empresarial deberá efectuarse no prazo de quince días, contados desde o día seguinte ao da publicación deste anuncio, nas oficinas da Dirección Territorial da Consellería de Economía e Industria, na rolda da Muralla, núm. 70, 27071 Lugo, das 9.00 ás 14.00 horas, ademais da páxina web da consellería, https://economia.xunta.gal

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado. Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Santiago de Compostela, 3 de decembro de 2024

Margarita Ardao Rodríguez
Directora xeral de Estratexia Industrial e Solo Empresarial

ANEXO

Predio	Referencia catastral	Titular	Superficie total (m2)	Superficie afectada (m2)
2	27040A001000130000UD/ 27040A001000130001IF	Manuel Pereiro Orozco	612,00	190,00
9	1875603NH9417N0001KD	María Rosa Vázquez García	1.441,00	96,00