No Boletín Oficial da provincia de Pontevedra número 243, do 16 decembro de 2024, publicáronse a convocatoria e as bases do proceso para a provisión do posto de traballo de xefatura de servizo no Servizo de Informática, polo sistema de concurso específico.

O prazo para presentar as solicitudes e demais documentación será de 15 días hábiles, contados a partir do día seguinte ao da publicación do anuncio da convocatoria no Boletín Oficial del Estado (BOE).

A resolución da convocatoria, co nomeamento da persoa seleccionada, publicarase no BOP de Pontevedra, no taboleiro de anuncios do Concello de Pontevedra e, de forma complementaria, na epígrafe de emprego da sede electrónica do Concello de Pontevedra.

Pontevedra, 16 de decembro de 2024

O alcalde
P.D. (Acordo do 17.9.2024)
Eva María Villaverde Pego
Concelleira de goberno responsable da Área de Servizos non Territorializados