De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse por medio do presente anuncio, publicado no Boletín Oficial del Estado (BOE), os propietarios da zona de concentración parcelaria de Gonzar II (O Pino-A Coruña) que figuran no anexo, para seren notificados por comparecencia dunha resolución que modifica as bases definitivas de concentración da zona.

Este anuncio publícase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

O expediente poderase consultar nas dependencias do Servizo de Infraestruturas Agrarias, Departamento Territorial da Coruña, chamando aos teléfonos 981 18 46 35 e 981 18 59 25, das 9.00 ás 14.00 horas, de luns a venres.

A comparecencia deberase efectuar no prazo de dez (10) días, contados desde o seguinte ao da publicación deste anuncio no BOE.

Transcorrido o devandito prazo sen efectuar a comparecencia, a notificación entenderase producida desde o día seguinte ao da publicación.

A Coruña, 5 de decembro de 2024

María Nieves Mancebo Santamaría
Directora territorial da Coruña

ANEXO

Gonzar II (O Pino-A Coruña)

DNI	Número de propietario	Acto notificado
33299880C	714	RDX 31.10.2024
33222710S	369	RDX 31.10.2024
33239255T	442	RDX 31.10.2024