Mediante Acordo da Xunta de Goberno Local, do 30 de outubro de 2024, aprobouse a transmisión de dúas parcelas de dominio público do Concello de Lugo, a favor da Administración do Estado, para a construción da nova sede da comisaría da Policía Nacional. As ditas parcelas son as seguintes:

– Parcela nº 1, na rúa Orquídea, con referencia catastral 6434401PH1663S0001DK.

– Parcela nº 2, na rúa Aquilino Iglesia Alvariño, con referencia catastral 436702PH1663N0001ZP.

Están cualificadas no Plan xeral de ordenación municipal como solo urbano consolidado e a ordenanza de aplicación para usos é a de equipamento comunitario do PXOM e a ordenación espacial do UZPI-4R.

De conformidade co disposto no artigo 32.4 da Lei 6/2023, do 2 de novembro, do patrimonio da Comunidade Autónoma de Galicia, publícase este anuncio para os efectos oportunos.

Lugo, 6 de novembro de 2024

Mercedes Paula Alvarellos Fondo
Alcaldesa