DOG 249 do 27/12/2024 - RESOLUCIÓN do 26 de decembro de 2024, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo superior da Administración xeral da Comunidade Autónoma de Galicia e no corpo facultativo superior de Administración especial da Administración xeral da Comunidade Autónoma de Galicia, subgrupo A1, pola que se modifica a baremación definitiva do concurso dunha escala.

IV. Oposicións e concursos

Consellería de Facenda e Administración Pública

RESOLUCIÓN do 26 de decembro de 2024, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo superior da Administración xeral da Comunidade Autónoma de Galicia e no corpo facultativo superior de Administración especial da Administración xeral da Comunidade Autónoma de Galicia, subgrupo A1, pola que se modifica a baremación definitiva do concurso dunha escala.

Na sesión que tivo lugar o día 26 de decembro de 2024, o tribunal nomeado pola Resolución do 16 de abril de 2024 para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo superior da Administración xeral da Comunidade Autónoma de Galicia e no corpo facultativo superior de Administración especial da Administración xeral da Comunidade Autónoma de Galicia, subgrupo A1 (DOG número 78, do 19 de abril), modificada pola Resolución do 21 de maio de 2024 (DOG número 102, do 28 de maio), convocado pola Resolución do 22 de decembro de 2022 (DOG número 244, do 26 de decembro), e de conformidade co disposto nas bases da convocatoria,

ACORDOU:

Primeiro. Mediante a Resolución do 17 de decembro de 2024 (DOG número 244, do 19 de decembro), este tribunal acordou facer pública a baremación definitiva do concurso da escala de veterinarios.

Unha vez publicada a dita resolución, detectouse un erro de carácter técnico na puntuación referida á base III.1.1.a) dunha persoa aspirante. Por todo isto, de conformidade co disposto no artigo 109.2 da Lei 39/2015, do 1 de outubro, do procedemento administrativo común das administracións públicas, procede modificar a puntuación asignada a María Teresa Magaña Suárez (***9492**).

A baremación definitiva obtida pola aspirante publícase no portal web corporativo da Dirección Xeral de Emprego Público e Administración de Persoal, https://www.xunta.gal/funcion-publica/procesos-selectivos/consulta

Segundo. De acordo co disposto na base IV.13 da orde de convocatoria, contra este acordo poderase interpor recurso de alzada ante a persoa titular da consellería competente en materia de función pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 26 de decembro de 2024

Ana Belén Díaz Fernández
Presidenta do tribunal