Unha vez obtida a verificación do plan de estudos polo Consello de Universidades, logo de informe favorable da Axencia para a Calidade do Sistema Universitario de Galicia, e declarado o carácter oficial do título mediante o Acordo do Consello de Ministros do 17 de setembro de 2024 (publicado no Boletín Oficial del Estado do 27 de setembro de 2024 por medio da Resolución da Secretaría Xeral de Universidades do 20 de setembro de 2024),

Este reitorado resolve publicar o plan de estudos conducente á obtención do título oficial de máster universitario en Servizos Culturais pola Universidade de Santiago de Compostela.

O plan de estudos a que se refire a presente resolución quedará estruturado conforme figura no seu anexo.

Santiago de Compostela, 4 de decembro de 2024

Antonio López Díaz
Reitor da Universidade de Santiago de Compostela

ANEXO

Máster universitario en Servizos Culturais pola Universidade de Santiago de Compostela

Código RUCT: 3500263.

Rama de coñecemento: Artes e Humanidades.

Ámbito de coñecemento: Historia, arqueoloxía, xeografía, filosofía e humanidades.

Universidade participante: Universidade de Santiago de Compostela.

Modalidade de impartición: híbrida.

Cadro 1. Distribución de créditos ECTS segundo o tipo de materia

Tipo de materia	Créditos ECTS
Obrigatorias (OB)	33
Optativas (OP)	15
Traballo de fin de máster (TFM)	12
Créditos totais	60

Cadro 2. Plan de estudos do máster

Materia	Carácter	Créditos	Módulo
O Imaxinario Colectivo do Mundo Global: Retos da Sociedade Actual	OB	3	Fundamentos humanísticos
Interculturalidade e Políticas Culturais	OB	6
Cultura Escrita, Patrimonio Documental e Paisaxe Histórica	OB	6	Patrimonios
Patrimonio Arqueolóxico e Etnográfico con Dixitalización	OB	6
Patrimonio Cultural e a súa Normativa	OB	3
Escritura Académica e Divulgativa e Prácticas de Oratoria	OB	6	Saberes lingüísticos instrumentais
Linguas Internacionais para a Comunicación Cultural. Francés (1)	OB	3
Linguas Internacionais para a Comunicación Cultural. Inglés (1)
Linguas Internacionais para a Comunicación Cultural. Portugués (1)
Cultura Oral: Investigación, Recuperación e Xestión	OP	3	Especialidade Políticas Culturais Contemporáneas
Xestión da Diversidade Lingüística	OP	3
Migracións Contemporáneas e Diversidade Cultural	OP	3
Políticas de Xénero e Xestión Cultural	OP	3
Procesos de Patrimonialización da Literatura	OP	3
Análise Económica dos Eventos Culturais e Comunicación en Cultura	OP	3	Especialidade Industrias Culturais
Cultura e Artes na Era Global	OP	3
Desenvolvemento Local e Territorial	OP	3
Deseño de Eventos e Rutas Culturais	OP	3
Xestión de Proxectos Culturais	OP	3
Traballo de Fin de Máster	OB	12	Traballo de fin de máster e prácticas externas
Prácticas externas	OP	6
Total créditos ofertados		81

(1)Para elixir unha delas

Especialidades:

O título de máster en Servizos Culturais inclúe a posibilidade de que o alumnado opte entre dúas especialidades:

– Políticas Culturais Contemporáneas.

– Industrias Culturais.

Os módulos das especialidades supoñen a realización de 15 créditos ECTS optativos. Hai dúas vías para obter algunha destas especialidades: ou ben, cursando os 15 créditos optativos ofertados en cada unha delas, ou ben facendo 9 deses créditos optativos ofertados e a materia optativa de 6 créditos de prácticas externas, sempre e cando as prácticas estean vinculadas coa especialidade elixida.

Existe a posibilidade de que o alumnado obteña o título sen necesidade de ter unha especialidade, combinando materias optativas de ambas as especialidades ata un total de 15 créditos, ou ben materias de ambas as especialidades ata un total de 9 créditos e 6 créditos de prácticas externas, neste caso sen vinculación coa especialidade.