A instalación denominada Substitución de apoios LMTA SJG801 Ponte Bora 1 entre o A664AI74/201 e o A648NUPG//204 foi declarada de utilidade pública mediante a Resolución do 28 de outubro de 2024, do Departamento Territorial de Pontevedra, o que leva implícita a urxente ocupación dos bens e dereitos afectados, e a empresa UFD Distribución Electricidad, S.A. ten a condición de beneficiaria.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 20 de maio de 2025, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Pontevedra.

As persoas interesadas recibirán unha notificación individual coa debida antelación legal, na cal se lles comunicará a data e a hora en que deberán presentarse nos seus predios, informándoos de que poderán ir acompañados por un perito ou un notario, pola súa conta, se así o consideran conveniente.

Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 20 de decembro de 2024

Beatriz López del Olmo
Directora territorial de Pontevedra

ANEXO

Nº	Referencia catastral	Lugar	Titular	Nº apoio	m2 solo
1	36900A270000950000LD	Besada	Descoñecido/a	204	2
2	36900A270000960000LX	Besada	Descoñecido/a	203	2
3	36900A269004430000LW	Paulas	Descoñecido/a	201	2