A Xunta de Goberno Local do Concello de Santiago de Compostela, na sesión con data do 25 de novembro de 2024, acordou:

Primeiro. Levantar parcialmente os efectos da suspensión facultativa de licenzas e actos suxeitos a comunicación previa que se publicou no Diario Oficial de Galicia do 19 de xuño de 2024 no ámbito do Plan especial de protección da cidade histórica (PE-1), co obxecto de non impedir novos usos residenciais en planta baixa fóra das zonas que se identifican no seguinte punto.

Segundo. Identificar as zonas de uso comercial preferente nas cales se mantén a suspensión de novos usos residenciais nos locais existentes na planta baixa.

No seguinte cadro identifícanse as citadas zonas, que poden ser:

a) Eixes: defínense polo nome das rúas que os integran, que se inclúen completas ‒cando así se indica no cadro‒ ou só no tramo correspondente aos números postais relacionados. Cando a rúa está incluída só en parte dentro do PE-1, a suspensión afecta só a parte da rúa incluída no dito ámbito (no resto será de aplicación a ordenanza do plan vixente).

Nos eixes, a suspensión afecta todos os locais situados en calquera das rúas ou tramos de rúa que se relacionan.

b) Ámbito: defínese un ámbito territorial delimitado por varias rúas e a suspensión afecta todos os locais en planta baixa situados dentro do ámbito así delimitado.

Mantense a suspensión nos seguintes ámbitos:

Nos eixes, a suspensión mantense para todos os locais situados en calquera das marxes da rúa ou do tramo de rúa afectado:

Eixe	Rúa		Números postais (1)	Observacións (2)
Galeras-San Clemente	Galeras			Ámbito incluído no PE-1
	Campo das Hortas		7A, 7, 8-9
	Hortas		61
	Pombal	Completa
	San Clemente		13
Avda. da Coruña-Avda. de Figueroa	Avda. da Coruña			Ámbito incluído no PE-1
	Rosalía de Castro			Ámbito incluído no PE-1
	Casas de Compostela	Completa
	Xoan Carlos I	Completa
	Campo da Estrela	Completa
	Avda. de Figueroa	Completa
Carreira do Conde-Porta do Camiño	Montero Ríos			Ámbito incluído no PE-1
	Rapa da Folla			Ámbito incluído no PE-1
	Carreira do Conde	Completa
	Senra	Completa
	Fonte de Santo Antonio	Completa
	Tránsito da Mercé	Completa
	Ensinanza	Completa
	Virxe da Cerca	Completa
	Praza do Matadoiro	Completa
	Aller Ulloa	Completa
Cruz de San Pedro-Acibechería	Concheiros			Ámbito incluído no PE-1
	Cruz de San Pedro		1, 2, 10, 11, 12, 13, 14
	Corredoira das Fraguas		1, 3, 5A
	San Pedro	Completa
	Porta do Camiño	Completa
	Casas Reais	Competa
	Praza de Cervantes	Completa
	Acibechería	Completa
	Praza da Inmaculada	Completa
	Travesa das Dúas Portas	Completa
Porta Faxeira-San Francisco	Porta Faxeira	Completa
	Do Franco	Completa
	Praza do Obradoiro	Completa
	San Francisco	Completa
Basquiños-Praza de Cervantes	Basquiños	Completa
	Santa Clara		11 a 21
	San Roque	Completa
	Praza de San Roque		1
	Algalia de Arriba	Completa

1 Abrangue os locais situados en calquera das marxes do tramo de rúa que discorre polos números postais sinalados, aínda que o local teña outro número postal.

2 Abrangue só os locais situados na rúa indicada cando o local se encontra dentro do ámbito do PE-1.

Ámbito completo delimitado polas rúas:

A suspensión mantense para os locais situados no interior do ámbito delimitado (ademais dos que se sitúen nalgún dos eixes antes relacionados):

Norte	Travesa das Dúas Portas/Praza da Inmaculada/Acibechería/Praza de Cervantes/Casas Reais/Porta do Camiño
Oeste-sur	Porta do Camiño/Aller Ulloa/Virxe da Cerca/Ensinanza/Tránsito da Mercé/Fonte de Santo Antonio/Senra
Leste	Porta Faxeira/Rúa do Franco/Praza do Obradoiro/San Francisco

En consecuencia, a partir do día seguinte ao da publicación deste acordo no Diario Oficial de Galicia e nun xornal dos de maior difusión na provincia, quedarán excluídos dos efectos da suspensión publicada o 19 de xuño de 2024 os seguintes actos:

– Os que supoñan a implantación de novos usos residenciais permitidos polo vixente PE-1 na planta baixa dos inmobles situados fóra das zonas identificadas no cadro anterior.

A suspensión de novos usos residenciais en planta baixa mantén a súa vixencia ‒ata o día 20 de xuño de 2025‒ en todos os locais existentes no ámbito do PE-1 que se sitúen:

a) En calquera das marxes das rúas ou dos tramos de rúa que integran os eixes identificados no cadro.

b) No interior do ámbito territorial completo delimitado polas rúas que se relacionan ao final do cadro.

Así mesmo, mantense a suspensión ‒ata o día 20 de xuño de 2025‒ en todo o ámbito do PE-1 para os demais actos que se describen nos puntos 2 e 3 do acordo de suspensión publicado o 19 de xuño de 2024, agás cando se encontren nalgunha das excepcións relacionadas no mesmo acordo.

O acordo poderá impugnarse mediante a interposición de recurso contencioso-administrativo ante o Tribunal Superior de Xustiza de Galicia dentro do prazo máximo de dous meses, contados desde o día seguinte ao da súa publicación no Diario Oficial de Galicia.

O acordo adoptado poderá consultarse na seguinte ligazón:

https://santiagodecompostela.gal/gl/transparencia/urbanismo/planeamiento/modificacion-do-plan-especial-de-proteccion-e-rehabilitacion-da-cidade-historica

Na dita ligazón inclúese un plano no cal figuran identificados tanto os eixes como o ámbito territorial referido na letra b).

Santiago de Compostela, 28 de novembro de 2024

A alcaldesa
P.D. (DEC/2023/8135, do 17 de xuño de 2023)
Iago Lestegás Tizón
Concelleiro delegado de Urbanismo, Vivenda e Cidade Histórica