En cumprimento do previsto nos artigos 109 e 163 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Corporación Alimentaria Peñasanta, S.A.

Expediente: DH.A36.97806.

Volume total anual: 262.800,00 m3/ano.

Caudal máximo instantáneo: 55,50 l/s.

Destino: uso industrial.

Orixe: captación do río Con ao NE da parcela 0859901NH2105N0001KF e dous pozos na parcela 765, pol. 27 do Catastro de Vilagarcía de Arousa.

Lugar: Os Martices.

Parroquia: Cea.

Concello: Vilagarcía de Arousa.

Descrición:

A auga dos pozos bombéase ao depósito 1 e o sobrante deste ao depósito 2, que recibe tamén a auga bombeada da captación do río. Esta realízase mediante unha arqueta na marxe dereita e un pequeno encoro augas abaixo. O depósito 2 alimenta o depósito 3, que abastece o grupo de presión para dar servizo aos principais procesos da factoría na parcela 0761033NH2106S0001IH. O depósito 1 dá servizo ao resto de procesos. Todos os depósitos na parcela da factoría.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas deste servizo territorial, situadas na rúa San Salvador, nº 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 20 de decembro de 2024

Susana Pérez González
Xefa do Servizo Territorial da Zona
Hidrográfica de Galicia Sur