En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Aro and Pets, S.L.

CIF: ****1632*.

Expediente: DH.A15.102220.

Volume total anual: 646 m3/ano.

Caudal máximo instantáneo: 2,80 l/s.

Orixe:

Pozo 1. x= 555.364; y= 4.802.703.

Pozo 2. x= 555.302; y= 4.802.593.

Lugar: A Besta.

Parroquia: Maianca.

Concello: Oleiros (A Coruña).

Destino: doméstico, rega e gandeiro.

Lugar: A Besta.

Parroquia: Maianca.

Concello: Oleiros (A Coruña).

Descrición do aproveitamento:

Trátase de dous pozos de captación de 90 m de profundidade na parcela. Ambas as dúas captacións atópanse na parcela 15059A008000090000TJ.

As augas dos dous pozos úsanse no propio predio, arrendado ao solicitante para a instalación dun núcleo zoolóxico. Un dos pozos utilizarase para os traballadores, e o outro para uso gandeiro e rega.

A documentación pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa Vicente Ferrer, nº 2, 9º andar, 15008 A Coruña. Para facilitar esta consulta poderá solicitar cita previa no teléfono 981 18 25 30.

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

A Coruña, 18 de decembro de 2024

Néstor Rodríguez Arias
Xefe do Servizo Territorial da Zona
Hidrográfica de Galicia Norte