A Lei 8/2013, do 28 de xuño, de estradas de Galicia, recolle no seu artigo 6.2 aqueles elementos que teñen a consideración de elementos funcionais da estrada, entre os que se atopan os espazos destinados a sendas para peóns ou para a circulación de ciclistas. Así mesmo, o Consello da Xunta de Galicia aprobou o 6 de maio de 2024 a Estratexia Galega de Mobilidade, cuxo obxectivo é analizar e planificar en todo o seu conxunto a mobilidade na Comunidade Autónoma de Galicia e adaptala aos retos da sociedade do futuro en materia de mobilidade sustentable.

Mediante a Resolución do director da Axencia Galega de Infraestruturas, do 17 de decembro de 2024, aprobouse provisionalmente o proxecto referido, que se tramitará segundo o disposto na Lei 8/2013 e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado da senda peonil na AC-433 (Laxe). Segunda fase, de clave AC/24/010.06, no concello de Laxe (A Coruña); para que as persoas que o consideren oportuno poidan formular, por escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, se for o caso, de acordo co disposto no artigo 21.1 da Lei 8/2013 e no artigo 50 do Decreto 66/2016.

Segundo. Someter ao trámite de información pública a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito a rectificación dos posibles erros da relación publicada ou opoñerse á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos aos da relación ao fin que se persegue, de acordo co disposto nos artigos 17, 18 e 19 da Lei do 16 de decembro de 1954 sobre expropiación forzosa.

Terceiro. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación do proxecto estará á disposición da cidadanía na sede central da Axencia Galega de Infraestruturas, no Servizo de Infraestruturas da Coruña, na casa do concello de Laxe; e na páxina web da Consellería de Vivenda e Planificación de Infraestruturas, onde tamén se atopa un extracto do documento cos obxectivos, localización e descrición da actuación:

https://vivendaeinfraestruturas.xunta.gal/informacion-publica/estudos

Santiago de Compostela, 18 de decembro de 2024

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Senda peonil na AC-433 (Laxe). Segunda fase

Clave: AC/24/010.06

Concello de Laxe

Nº	Referencia catastral	Políg.	Parc.	Titular	NIF	Sit. básica do solo (RDL 7/2015)	Expropiación m²	Ocupación temporal m²	Bens afectados
Cant.	Ud.	Descrición
1	15041A50200249	502	249	Francisco Amado Romero	***5524**	Urbanizado	37,4
				Concepción Aguiar Paz	***8062**	Rural	237,3
2	15041A01000013	10	13	María Teresa Vilariño Romero	***9190**	Rural		615,06
4	001001300MH98D	100	13	Lourdes Vázquez Pérez	***0559**	Urbanizado	10,6		9	m	Peche
									3	m²	Muro de bloques
									2	m	Malla metálica
5	15041A50400286	504	286	Severino Pazos Feal (hros.)	***2220**	Rural	150,06	109,28	2	ud	Árbore de xardín
									1	ud	Planta ornamental
6	15041A50400283	504	283	Baselisa Santiago Carracedo	***6030**	Urbanizado	8,06
7	15041A50400103	504	103	Antonio Pérez Pazos	***5955**	Urbanizado	15,80
						Rural	13,62
8	15041A50400102	504	102	Marta Pérez Rama	***5150**	Urbanizado	107,99
				Javier Ángel Pérez Rama	***3665**
				Mónica Pérez Rama	***3665**