DOG 16 do 24/1/2025 - RESOLUCIÓN do 2 de xaneiro de 2025, do Departamento Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Arbo (expediente IN407A 2024/349-4).

VI. Anuncios

a) Administración autonómica

Consellería de Economía e Industria

RESOLUCIÓN do 2 de xaneiro de 2025, do Departamento Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Arbo (expediente IN407A 2024/349-4).

Para os efectos previstos na Lei 24/2013, do 26 de decembro, do sector eléctrico, e no yítulo VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida América, 38, 28028 Madrid.

Denominación: Regulamentación LMT FRI804: substitución do apoio ALSE9CNS//53.

Situación: Arbo.

Características técnicas:

Substitución do apoio ALSE9CNS//53 da LMT FRI804 por un apoio C-1000/18.

Retensado dos vans contiguos ao apoio proxectado C-1000/18 (477 de condutor LA-80).

A instalación está situada en Boimil, no concello de Arbo (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións neste departamento territorial, avenida María Victoria Moreno, 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta no portal da Consellería de Economía e Industria
(https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 2 de xaneiro de 2025

Beatriz López del Olmo
Directora territorial de Pontevedra

ANEXO

Nº de expediente: IN407A 2024/349-4.

Denominación: Regulamentación LMT FRI804: substitución do apoio ALSE9CNS//53.

Concello: Arbo.

Nº	Lugar	Terreo	Referencia catastral	Titular	Apoio
					nº	m2
1	Barca, Boimil	Urbano	36001A038004130000SS	José Fernández Domínguez	53	2,00