No Xulgado do Contencioso-Administrativo número 1 de Santiago de Compostela, tramítase o recurso 564/2024 (procedemento abreviado), interposto por María del Carmen Méndez Iglesias, relativo ao acto de elección de destino do proceso selectivo aberto pola Resolución do 18 de xuño de 2021, da Dirección Xeral de Recursos Humanos, pola que se convoca concurso-oposición para o ingreso na categoría de traballador/a social (DOG núm. 126, do 5 de xullo).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 20 de xaneiro de 2025

María del Mar Pousa Cobas
Directora xeral de Recursos Humanos