En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: UTE EDAR de Silvouta-Santiago de Compostela.

NIF: U-56.926.140.

Expediente: DH.V15.102617.

Lugar: Silvouta.

Parroquia: Villestro.

Concello: Santiago de Compostela.

Tipo de vertedura: augas residuais de escoamento depuradas.

Caudal máximo anual: 6.382,35 m3/ano.

Punto de vertedura: X=532.997; Y=4.746.431.

Medio receptor: río Sar (bacía do río Ulla).

Tratamento/evacuación:

As augas residuais de escoamento xeradas durante as obras de execución da nova EDAR de Silvouta serán tratadas nunha balsa de decantación con sistemas de retención de flotantes e dosificación de reactivos, antes da súa vertedura ao río Sar.

O proxecto pode consultarse na sección pde articipación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 21 de xaneiro de 2025

Leticia Valladares López
Xefa da Área de Verteduras