DOG 27 do 10/2/2025 - ANUNCIO do 27 de xaneiro de 2025, do Departamento Territorial da Coruña, de comunicación da data de ocupación e requirimento da folla de valoración por expediente de expropiación, no concello de Trazo (expediente IN407A 2022/252-1).

VI. Anuncios

a) Administración autonómica

Consellería de Economía e Industria

ANUNCIO do 27 de xaneiro de 2025, do Departamento Territorial da Coruña, de comunicación da data de ocupación e requirimento da folla de valoración por expediente de expropiación, no concello de Trazo (expediente IN407A 2022/252-1).

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmase da data de ocupación e requirimento da folla de valoración, no procedemento expropiatorio sobre os ben e dereitos afectados pola instalación eléctrica denominada instalación de telecontrol na LMT NEG803 apoio A4LUKI8N//238-1, no concello de Trazo (expediente IN407A 2022/252-1), correspondentes ao predio e á titularidade que se sinala no cadro anexo que máis abaixo se detalla.

A copia da acta e do depósito previo atópanse ao dispor da persoa interesada na sede do Departamento Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Expropiacións (con cita previa no teléfono de contacto 981 18 49 11), das 9.00 ás 14.00 horas, de luns a venres. A dita persoa interesada disporá dun prazo de dez (10) días, a partir da publicación deste anuncio no Boletín Oficial del Estado, para solicitar a remisión dos devanditos documentos ao enderezo que sinale.

Dispoñen de quince (15) días de prazo para chegar a un acordo amigable coa empresa beneficiaria, finalizado este trámite, terán vinte (20) días para presentar a súa folla de valoración.

Transcorrido o prazo de dez días indicado no parágrafo anterior sen se efectuar a comparecencia, a notificación entenderase producida desde o día seguinte ao vencemento do prazo sinalado para comparecer.

A Coruña, 27 de xaneiro de 2025

Isidoro Martínez Arca
Director territorial da Coruña

ANEXO

Expediente: IN407A 2022/252-1.

Entidade beneficiaria: UFD Distribución Electricidad, S.A.

Denominación da instalación: instalación de telecontrol na LMT NEG803 apoio A4LUKI8N//238-1.

Concello: Trazo.

Predio	Referencia catastral	Titularidade proposta	Data da ocupación
3	15087A048000240000SS	Descoñecida	14.2.2025