Con motivo da ausencia do presidente da Xunta de Galicia, por mor dunha viaxe á República Arxentina e á República Oriental do Uruguai, cómpre prover a súa substitución durante o tempo de duración desta.

Polo tanto, en uso das atribucións que me confire o artigo 26.7 da Lei 1/1983, do 22 de febreiro, reguladora da Xunta e da súa Presidencia, e conforme o establecido no Decreto 44/2024, do 14 de abril, polo que se nomean os titulares das consellerías da Xunta de Galicia,

DISPOÑO:

Artigo único

Durante a ausencia do presidente da Xunta de Galicia, con motivo da súa viaxe á República Arxentina e á República Oriental do Uruguai, encárgaselle o despacho dos asuntos da Presidencia, ata o seu regreso, ao conselleiro de Presidencia, Xustiza e Deportes.

Santiago de Compostela, tres de marzo de dous mil vinte e cinco

Alfonso Rueda Valenzuela
Presidente