En cumprimento do previsto nos artigos 109 e 163 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Concello de Ponte Caldelas.

Expediente: DH.A36.91715.

Volume total anual: 183.346,80 m3/ano.

Destino: abastecemento.

Orixe: dúas (2) captacións de río e dezaoito (18) mananciais (M1 a M18).

Captación do río Calvelle: parcela 9101, polígono 67 do catastro de Cerdedo-Cotobade.

Captación do río Verdugo en Ponte Caldelas.

M1 a M12, M17 e M18 na parcela 19, polígono 6 do catastro de Ponte Caldelas.

M13, M15 e M16 na parcela 1, pol. 6 do catastro de Ponte Caldelas.

M14 na parcela 465, polígono 53 do catastro de Ponte Caldelas.

Lugar: Calvelle, Ponte Caldelas, Cuñas e Caldelas.

Parroquia: Aguasantas e Ponte Caldeas.

Concello: Cerdedo-Cotobade e Ponte Caldelas.

Descrición:

A auga procedente do río Calvelle condúcese a depósito Laxioso (parc. 83, pol. 6), do que parte rede de distribución denominada Laxioso e conducións a depósito Parada (parcela 1186, polígono 9) que abastece o lugar de Parada, e a depósito Fraga (parcela 301, polígono 9) que abastece o lugar de Fraga. A auga de M1 a M13 e M15 a M18 condúcese a arqueta de reunión xeral e desta a depósito Catro Ventos (parcela 107, polígono 53), á cal chega tamén a de M14. Deste depósito parte rede Catro Ventos, ademais de complementar a de Laxioso. A captación do río Verdugo bombéase a depósito Catro Ventos cando é precisa.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2-4º, 36240 Vigo (Pontevedra).

Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 10 de febreiro de 2025

Susana Pérez González
Xefa do Servizo Territorial da Zona Hidrográfica de Galicia Sur