De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia aos titulares dos establecementos que no anexo se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia.

Mediante a visita da Inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, iniciar o expediente de baixa de oficio dos establecementos relacionados no anexo.

O que se notifica aos titulares dos establecementos referidos no dito anexo, para que no prazo de 15 días poidan efectuar as alegacións que estimen pertinentes, podendo examinar o expediente e obter copias dos documentos contidos nel na Área Provincial da Axencia de Turismo de Galicia de Pontevedra.

Pontevedra, 28 de febreiro de 2025

Felipe Ferrero González
Xefe da Área Provincial de Turismo de Pontevedra

ANEXO

Establecemento	Signatura	Titular	Enderezo	Concello
Club 6000	V-PO-005519	Ernesto Pérez Pérez	Lugar Barbeitos, San Xurxo de Sacos, 28	Cerdedo-Cotobade
Lady Ana	V-PO-005232	Ana María García Vázquez	Lugar San Xurxo de Sacos	Cerdedo-Cotobade
San Paolo	V-PO-003621	Manuel Santos Paulos	Lugar San Xurxo de Sacos	Cerdedo-Cotobade
O Niño	V-PO-004288	Serafín Abel González Rodríguez	Rúa Barrio Miranxe	O Rosal
O Rey da Gamba	V-PO-001747	José Luis González Pazo	Travesía de Vigo, bloque 3, 277	Vigo
Harmony	V-PO-001883	Matías Marqués Alije	Rúa Marqués de Valladares, 32	Vigo
Paraisal	V-PO-001784	Manuel Milles López	Travesía de Vigo, 360	Vigo
Llorones	V-PO-000636	Cesáreo Miguélez Pérez	Rúa Luciano Conde, 9	Vigo