Antecedentes de feito:
Primeiro. O 24 de xaneiro de 2025 tivo entrada nesta oficina a solicitude de inscrición no rexistro de convenios colectivos, acordos colectivos de traballo e plans de igualdade do acordo da comisión negociadora do Convenio colectivo da Fundación Monte do Gozo no que se aproban as táboas salariais para o ano 2025.
Segundo. Ao observárense defectos na documentación presentada, requiriuse a corrección destes na data do 11 de febreiro de 2025 e que foi respondida correctamente o 11 de febreiro de 2025.
Consideracións legais e técnicas:
Primeira. A Secretaría Xeral de Emprego e Relacións Laborais é competente para resolver en materia de depósito e inscrición no Rexistro de convenios colectivos, acordos colectivos de traballo e plans de igualdade, en virtude do Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, e do Decreto 147/2024, do 20 de maio, polo que se establece a estrutura orgánica da Consellería de Emprego, Comercio e Emigración.
Segunda. É de aplicación o artigo 8 do Real decreto 713/2010, do 28 de maio, sobre o rexistro e o depósito de convenios e acordos colectivos de traballo, e o artigo 68 da Lei 39/2015, do 1 de outubro, do procedemento administrativo común das administracións públicas.
Revisada a documentación achegada e tendo en conta a normativa aplicable, esta Secretaría Xeral de Emprego e Relacións Laborais
RESOLVE:
Proceder á inscrición no Rexistro de convenios, acordos colectivos de traballo e plans de igualdade do acordo da comisión negociadora do Convenio colectivo da Fundación Monte do Gozo no que se aproban as táboas salariais para o ano 2025.
Contra esta resolución poderán interpoñer recurso de alzada ante o conselleiro de Emprego, Comercio e Emigración, dentro do prazo dun mes, contado a partir do día seguinte ao da recepción desta resolución, de acordo co establecido no artigo 121 e seguintes da Lei 39/2015, de 1 de outubro, do procedemento administrativo común das administracións públicas.
Santiago de Compostela, 14 de febreiro de 2025
Pablo Fernández López
Secretario xeral de Emprego e Relacións Laborais
Acordo da comisión negociadora do Convenio colectivo da Fundación Monte
do Gozo
En Santiago de Compostela, 3 de xaneiro de 2025, ás 16.30 horas, na sede da Fundación Monte do Gozo na dita cidade, rúa Cottolengo, nº 2, por unha parte, a representación da empresa exercida por:
• Ofelia Debén Rodríguez.
• Amalia Calvo Ríos.
e, por outra parte, a representación legal dos traballadores dos centros da Fundación Monte do Gozo:
• Santiago: Laura Rivas Arufe.
• Cernadas: Víctor Figueiras Ventoso.
• Vigo: Vicente Llario Espinosa.
• Ourense: Patricia Pérez Rodríguez.
Teñen unha reunión, por pedimento da empresa, para comunicarlles aos RLT a proposta para actualización dos salarios que están a percibir as persoas contratadas na Fundación Monte do Gozo e os novos horarios dos centros para o ano 2025.
1. A entidade propón un incremento do IPC de 3,5 % no salario base para o ano 2025. A dita subida poderase realizar aínda que as subvencións non cobren o incremento e queren que os RLT transmitan que está situación será difícil de manter, se o convenio estatal segue subindo e as subvencións non soben na mesma proporción.
A RLT dos centros da Fundación Monte do Gozo e a empresa acordan o seguinte:
1. Aceptar a proposta da empresa dunha subida salarial para o ano 2025 de 3,5 % do salario base.
Como consecuencia do acordado, as táboas salariais quedan como segue:
Táboas salariais 2025
(Con efectos do 1.1.2025)
Salario base segundo grupo profesional:
|
Grupo profesional |
Salario base bruto anual euros |
Salario base bruto mensual × 14 pagas |
|
0 |
||
|
1 |
25.518,86 € |
1.822,77 € |
|
2 |
23.029,83 € |
1.644,99 € |
|
3 |
20.188,81 € |
1.442,07 € |
|
4 |
17.599,22 € |
1.257,09 € |
Complemento profesionalidade:
|
Grupo profesional |
Complemento experiencia profesional Importe bruto anual euros |
Importe mensual ×14 pagas |
|
0 |
||
|
1 |
||
|
2 |
835,96 € |
59,71 € |
|
3 |
760,54 € |
54,33 € |
|
4 |
685,12 € |
48,93 € |
Complemento non consolidable por coordinación de centro ou área de traballo:
|
Grupo profesional |
Salario base bruto anual coordinación euros |
Salario base bruto mensual × 14 pagas |
|
0 |
||
|
1 |
2.514,17 € |
179,58 € |
|
2 |
2.514,17 € |
179,58 € |
|
3 |
||
|
4 |
Complemento de nocturnidade.
O complemento de nocturnidade aboarase a aquelas persoas traballadoras, que presten servizos das 22.00 ás 6.00 horas (salvo que xa estean contratadas expresamente para ese traballo nocturno, polo que xa vai incluído no seu salario), e que se aboará polas horas efectivamente traballadas nunha porcentaxe do 25 % do salario ou en descanso (por elección da persoa traballadora). Para as horas de dispoñibilidade pagarase un complemento segundo o anexo do convenio (56,27 euros fixos mensuais).
Complemento de traballo en sábados, domingos e festivos.
Aquelas persoas que realicen a súa xornada habitual ou ordinaria de traballo de acordo co establecido no seu contrato, en sábados, domingos e/ou festivos, percibirán un complemento por cada hora traballada equivalente ao 25 % do prezo da hora ordinaria, calculada sobre o salario base e da categoría que efectivamente se desenvolve.
Complemento non consolidable por desprazamento:
|
Distancia entre centros de traballo |
Importe bruto mensual |
|
Distancia de 30 a 50 km |
150,00 € |
|
Distancia de 51 km. a 90 km |
225,00 € |
|
Distancia de 91 o más km |
300,00 € |
E ás 18.00 horas, dáse por rematada a reunión, na data e lugar do inicio.
|
Ofelia Debén Rodríguez |
Amalia Calvo Ríos |
|
Laura Rivas Arufe |
Patricia Pérez Rodríguez |
|
Víctor Figueiras Ventoso |
Vicente Llario Espinosa |