Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio convócanse as persoas interesadas ao acto de levantamento das actas de pagamento do prezo xusto fixado polo Xurado de Expropiación de Galicia relativo aos predios afectados pola instalación eléctrica denominada Regulamentación LMTA REG804,en tramo entre apoios número 99 e 105, na casa do concello de Xunqueira de Espadanedo, segundo o calendario e o horario que se sinala no cadro anexo.

As persoas titulares de dereitos sobre os bens afectados deberán comparecer no dito acto por si mesmas ou representadas por unha persoa debidamente autorizada, e exhibir o seu DNI/NIF, así como os documentos acreditativos da titularidade. Tamén deberán achegar unha certificación de titularidade da conta bancaria onde, tras a súa solicitude, se lles ingresará, mediante transferencia, o importe do prezo xusto máis os xuros correspondentes.

Ourense, 6 de marzo de 2025

Alicia María López Míguez
Directora territorial de Ourense

ANEXO

Relación de afectados descoñecidos, con enderezo ignorado ou non notificados

Número de expediente: IN407A 2022/81-3.

Instalación: Regulamentación REG804, en tramo entre apoios nº 99 e 105.

Concello: Xunqueira de Espadanedo.

Entidade beneficiaria: UFD Distribución Electricidad, S.A.

Predio núm.	Lugar	Referencia catastral	Titular	Incidencia	Lugar da convocatoria	Data	Hora
1	Pena da Malla	32038A036000440000KE	CMVMC de Barrio, Xunqueira de Espadanedo e Ovellariza	Enderezo descoñecido	Casa do Concello de Xunqueira de Espadanedo	19.5.2025	11.30