Publicada a oferta de emprego público para o ano 2022 pola Resolución do 10 de marzo de 2022 (DOG do 21 de marzo), e a de 2024, publicada pola Resolución do 26 de xuño de 2024 (DOG do 9 de xullo).
De conformidade co disposto na Lei orgánica 2/2023, do 22 de marzo (BOE do 23 de marzo), do sistema universitario, na Lei 39/2015, do 1 de outubro (BOE do 2 de outubro), do procedemento administrativo común das administracións públicas, no Decreto 266/2002, do 6 de setembro (DOG do 17 de setembro), sobre contratación de profesorado universitario, nos estatutos da Universidade da Coruña, aprobados polo Decreto 101/2004, do 13 de maio (DOG do 26 de maio) e modificados polo Decreto 194/2007, do 11 de outubro (DOG do 17 de outubro), e na normativa pola que se regula o procedemento para a selección de persoal docente e investigador, aprobada polo Consello de Goberno na sesión do 7 de novembro de 2024, este reitorado fai público que pola Resolución do 6 de marzo de 2025 se convoca un concurso para a provisión das seguintes prazas de profesorado permanente laboral:
– Oferta de emprego público ano 2022: 1 praza reservada para a incorporación de persoal investigador do Programa Ramón y Cajal que superase a avaliación do Programa de incentivación da incorporación e intensificación da actividade investigadora (I3) ou que obtivese o certificado como investigador/a establecido/a (R3).
– Oferta de emprego público ano 2022: 2 prazas reservadas para persoal investigador doutor que superase a avaliación do Programa de incentivación da incorporación e intensificación da actividade investigadora (I3) ou que obtivese o certificado como investigador/a establecido/a (R3).
– Oferta de emprego público ano 2024: 2 prazas.
A información completa (bases da convocatoria, modelo de solicitude, etc.) pode consultarse no taboleiro electrónico oficial da UDC e na páxina web http://www.udc.es/pdi/concursos/concursos_contratacion/
O prazo de presentación de solicitudes é de dez días hábiles contados desde o día seguinte ao da publicación do presente anuncio no Diario Oficial de Galicia.
A Coruña, 6 de marzo de 2025
O reitor da Universidade da Coruña
P.D. (Resolución do 10.7.2024)
María Teresa López Fernández
Vicerreitora de Profesorado