No Boletín Oficial da provincia de Pontevedra (BOP) número 40, do xoves 27 de febreiro de 2025, publicáronse as bases reguladoras do proceso de provisión (mobilidade) e de selección (promoción interna) para o acceso a varias categorías do corpo de Policía Local correspondentes con prazas da ampliación da oferta de emprego público do ano 2024.

A concelleira de Servizos non Territorializados convocou, mediante a Resolución do 7 de febreiro de 2025, o proceso de provisión dun posto, polo sistema de mobilidade, para a provisión de postos vacantes no Concello de Pontevedra incluídos na ampliación da oferta de emprego público correspondente ao exercicio 2024, que a continuación se sinalan:

– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: C. Subgrupo C1. Clasificación: escala de Administración especial, subescala servizos especiais. Número de vacantes: 1. Denominación: policía.

O prazo de presentación de instancias para participar no proceso de provisión será de quince (15) días hábiles contados a partir do día seguinte ao da publicación do presente anuncio no Boletín oficial del Estado, e publicaranse os sucesivos anuncios no Boletín Oficial da provincia de Pontevedra e no taboleiro de edictos da Corporación nos termos establecidos nas bases.

Así mesmo, na mesma resolución convocouse o proceso selectivo para a cobertura pola quenda de promoción interna das prazas vacantes no Concello de Pontevedra incluídas na ampliación da oferta de emprego público do ano 2024, que a continuación se sinala:

– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: C. Subgrupo C1. Clasificación: escala de Administración especial, subescala servizos especiais, clase policía local. Número de vacantes: 2. Denominación: oficial, mediante o procedemento de promoción interna.

O prazo de presentación de instancias para participar no antedito proceso de selección será de vinte (20) días hábiles contados a partir do día seguinte ao da publicación do presente anuncio no Boletín Oficial del Estado, e publicaranse os sucesivos anuncios no Boletín Oficial da provincia de Pontevedra e no taboleiro de edictos da Corporación nos termos establecidos nas bases.

Pontevedra, 10 de marzo de 2025

O alcalde
P.D. (Acordo da Xunta Goberno Local do 21.11.2024)
Eva María Villaverde Pego
Concelleira responsable da Área de Servizos non Territorializados