De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión de postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, así como na Orde do 22 de abril de 2020 (DOG núm. 82, do 29 de abril) de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde, esta xerencia

DISPÓN:

Primeiro. Anunciar a convocatoria para cubrir, polo procedemento de concurso de méritos, un posto vacante de xefa/e de cociña do Hospital Público da Mariña que se relaciona no anexo desta resolución.

Segundo. As retribucións do posto ofertado serán as que correspondan de acordo coas ordes vixentes polas que se ditan instrucións sobre a confección de nóminas do persoal ao servizo da Administración autonómica.

Terceiro. As bases íntegras da convocatoria estarán expostas no taboleiro de anuncios do Hospital Público da Mariña, na intranet da Xerencia da Área Sanitaria de Lugo, A Mariña e Monforte de Lemos, así como na páxina web do Servizo Galego de Saúde (www.sergas.es).

Cuarto. As solicitudes e a documentación anexa que conteña a xustificación dos requisitos e méritos achegados deberán dirixirse ao xerente da Área Sanitaria de Lugo, A Mariña e Monforte de Lemos, e presentaranse preferentemente no Rexistro do Hospital Público da Mariña, na rúa Rafael Vior, s/n, 27880 Burela (Lugo), ou a través de calquera outro rexistro dos previstos no artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do seguinte ao da publicación deste anuncio no Diario Oficial de Galicia.

Lugo, 10 de marzo de 2025

Ramón Ares Rico
Xerente da Área Sanitaria de Lugo,
A Mariña e Monforte de Lemos

ANEXO

Denominación do posto: xefa/e de cociña do Hospital Público da Mariña.

Número de vacantes: 1.