De conformidade co establecido no artigo 14 da Orde do 29 de novembro de 2024 pola que se establecen as bases que regulan a concesión das axudas para o fomento das razas autóctonas galegas e se convocan para o ano 2025 e de conformidade co artigo 45 da Lei 39/2015, do 1 de outubro, do procedemento administrativo común das administracións públicas, a resolución de concesión e denegación das axudas publicarase no Diario Oficial de Galicia.
Por outra parte, de conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, o beneficiario, a cantidade concedida e a finalidade ou finalidades da subvención,
RESOLVO:
Primeiro. Conceder as subvencións para o fomento das razas autóctonas galegas, convocadas para o ano 2025, ás entidades solicitantes que se relacionan no anexo.
Segundo. Informar dos seguintes aspectos:
1. Norma reguladora da convocatoria: Orde do 29 de novembro de 2024 pola que se establecen as bases que regulan a concesión das axudas para o fomento das razas autóctonas galegas e se convocan para o ano 2025 (código de procedemento MR536A).
2. Aplicación orzamentaria: 15.04.713C.781.1 e crédito orzamentario: 220.000 €.
A dotación orzamentaria da orde de que derivan estas axudas procede dos orzamentos xerais do Estado (168.605 euros) e dos orzamentos xerais da Comunidade Autónoma de Galicia (51.395 euros).
3. Finalidade:
– O aumento da rendibilidade das explotacións gandeiras galegas, da súa viabilidade e do nivel de vida dos gandeiros.
– A modernización do sector gandeiro galego en materia de xenética, sanidade e produción animal.
– A mellora da eficiencia dos sistemas produtivos agrarios e das calidades nas súas producións.
– A optimización na utilización das oportunidades e recursos dispoñibles.
4. Destinatarios: as organizacións ou asociacións de criadores das razas autóctonas galegas, recoñecidas pola Comunidade Autónoma de Galicia, que cumpran os requisitos.
5. Recursos: contra esta resolución, que pon fin á vía administrativa, cabe interpoñer recurso potestativo de reposición ante a conselleira do Medio Rural, no prazo dun mes, contado a partir do día seguinte ao da súa notificación de conformidade co establecido no artigo 124 da Lei 39/2015, do 1 de outubro, do procedemento administrativo común das administracións públicas.
Tamén se poderá interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao da súa notificación.
Santiago de Compostela, 19 de marzo de 2025
A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e Industrias Agroalimentarias
ANEXO
Entidades beneficiarias e importe concedido
|
Nº expediente |
Entidade |
NIF |
Contía |
|
LIXEN/2025/15/0001 |
Puraga-Asociación de Criadores do Cabalo de Pura Raza Galega |
G27334168 |
22.000,00 € |
|
LIXEN/2025/27/0001 |
Asoporcel-Asociación de Criadores da Raza Porcina Celta |
G27243500 |
22.000,00 € |
|
LIXEN/2025/32/0005 |
Asovega-Asociación de Criadores da Raza Ovella Galega |
G32267296 |
22.000,00 € |
|
LIXEN/2025/32/0006 |
Avimos-Asociación de Avicultores da Raza Galiña de Mos |
G32278251 |
22.000,00 € |
|
LIXEN/2025/32/0003 |
Cachega-Asociación de Criadores da Raza Bovina Cachena |
G32253619 |
22.000,00 € |
|
LIXEN/2025/32/0002 |
Caldega-Asociación de Criadores da Raza Bovina Caldelá |
G32253593 |
22.000,00 € |
|
LIXEN/2025/32/0007 |
Capriga-Asociación de Criadores da Raza Cabra Galega |
G32413668 |
22.000,00 € |
|
LIXEN/2025/32/0004 |
Frieirega-Asociación de Criadores da Raza Bovina Frieiresa |
G32253627 |
22.000,00 € |
|
LIXEN/2025/32/0001 |
Limiaga-Asociación de Criadores da Raza Bovina Limiá |
G32253585 |
22.000,00 € |
|
LIXEN/2025/32/0008 |
Vianega-Asociación de Criadores da Raza Bovina Vianesa |
G32253601 |
22.000,00 € |