O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, en desenvolvemento das previsións contidas na súa norma de creación, a Lei 5/1998, do 18 de decembro, de cooperativas de Galicia, regula no seu artigo 4 a composición do Consello; no artigo 5, o procedemento de nomeamento e cesamento dos seus membros, e, no artigo 6, a duración do mandato e substitucións.

Os actuais membros do Consello Galego de Cooperativas foron nomeados pola Orde do 16 de outubro de 2017 (DOG núm. 208, do 2 de novembro) pola que se procede ao nomeamento de membros do Consello Galego de Cooperativas, e pola Orde do 27 de xuño de 2018 (DOG núm. 131, do 10 de xullo), a Orde do 4 de setembro de 2018 (DOG núm. 177, do 17 de setembro), a Orde do 7 de novembro de 2019 (DOG núm. 220, do 19 de novembro), a Orde do 2 de marzo de 2020 (DOG núm. 53, do 17 de marzo), a Orde do 16 de novembro de 2020 (DOG núm. 242, do 1 de decembro), a Orde do 3 de xuño de 2021 (DOG núm. 118, do 23 de xuño), a Orde do 9 de agosto de 2021 (DOG núm. 159, do 19 de agosto), a Orde do 1 de febreiro de 2022 (DOG núm. 29, do 11 de febreiro), a Orde do 7 de febreiro de 2023 (DOG núm. 32, do 15 de febreiro) e a Orde do 1 de xullo de 2024 (DOG núm. 133, do 10 de xullo) polas que se procedeu ao cesamento e nomeamento de membros do Consello Galego de Cooperativas.

Os cambios producidos nos órganos superiores e de dirección adscritos á Consellería do Mar e á Consellería de Emprego, Comercio e Emigración fan necesario substituír os vogais que representan estas consellerías.

En consecuencia, en virtude das facultades que me confiren o artigo 34 da Lei 1/1983, do 22 de febreiro, reguladora da Xunta e da súa Presidencia, e o artigo 5 do Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, por proposta da Consellería do Mar e da Consellería de Emprego, Comercio e Emigración,

DISPOÑO:

Primeiro. Que cese Susana Rodríguez Carballo como vogal titular en representación da Consellería do Mar, Monserrat Castro Vázquez como vogal suplente en representación da Consellería do Mar e Joaquín Macho Canales como vogal titular en representación da Consellería de Emprego, Comercio e Emigración.

Segundo. Nomear a Marta Villaverde Acuña vogal titular en representación da Consellería do Mar, a Ainhoa Ferré Gómez vogal suplente en representación da Consellería do Mar e a Pablo Fernández López vogal titular en representación da Consellería de Emprego, Comercio e Emigración.

Contra esta orde poderase interpoñer potestativamente recurso de reposición, ante o conselleiro de Emprego, Comercio e Emigración, no prazo dun mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 25 de marzo de 2025

José González Vázquez
Conselleiro de Emprego, Comercio e Emigración