De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, ao resultaren infrutuosos os intentos de notificación e/ou por ser descoñecido o domicilio dos titulares, notifícaselle ás persoas interesadas que se sinalan no anexo deste anuncio o intento de mutuo acordo efectuado no expediente de expropiación forzosa para a execución da obra de mellora de accesibilidade e conectividade das paraxes de autobús situadas na RAEG na zona sur da ATM de Santiago de Compostela, clave AC/22/053.06, nos concellos de Padrón, Santiago e Teo.

As persoas interesadas dispoñen dun prazo de dez días, contados desde o día seguinte ao da publicación deste anuncio no Boletín Oficial del Estado, para comparecer nas oficinas da sede do Servizo Provincial da Coruña da AXI, sita na rúa Vicente Ferrer, 2, A Coruña, das 9.00 ás 14.00 horas, de luns a venres, para o coñecemento íntegro do intento de mutuo acordo e constancia de tal coñecemento. Transcorrido o dito prazo de dez días sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia do acto queda supeditada á súa publicación no taboleiro de edictos único (TEU) do Boletín Oficial del Estado (BOE).

A Coruña, 21 de marzo de 2025

Felipe de la Vega Gándaras
Xefe do Servizo Provincial da Coruña

ANEXO

Clave da obra	Concello	Predio	Referencia catastral	Persoa interesada
AC/22/053.06	Santiago	9	2020406NH4422A0001YI	Hros. de Cesáreo Torres Devesa
AC/22/053.06	Padrón	3	15066B505002570000FQ	Descoñecido/a
AC/22/053.06	Padrón	4	15066B505002560000FG	Descoñecido/a
AC/22/053.06	Teo	23	15083A063000750000LA	Renault Santiago
AC/22/053.06	Teo	24	000301300NH33H0000DZ	Daniel Iglesias Vázquez
AC/22/053.06	Teo	25	7083508NH3388S	Comunidade de Propietarios (Edificio Travesía de Cacheiras nº 15,19, 21)
AC/22/053.06	Teo	40	15083A506003310000KQ	Hros. de Luisa Alfonso Devesa