BDNS (Identif.): 823827.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:
https://www.infosubvenciones.es/bdnstrans/GE/es/convocatoria/823827
Primeiro. Beneficiarias
Poderán ser beneficiarias destas axudas as agrupacións que reúnan produtores (entendidos como tales os titulares de explotacións agrarias ou de instalacións de transformación) que cooperen entre si para a información e promoción dos produtos agrícolas e alimenticios amparados por un réxime de calidade.
Segundo. Obxecto
Esta resolución ten por obxecto establecer as bases reguladoras e efectuar a convocatoria para o ano 2025 das axudas que, en réxime de concorrencia competitiva, vai conceder a Axencia Galega da Calidade Alimentaria para actuacións de información e promoción dos produtos agroalimentarios galegos con calidade diferenciada no marco do Plan estratéxico da PAC 2023-2027.
Terceiro. Bases reguladoras
Resolución do 24 de marzo de 2025 pola que se establecen as bases reguladoras das axudas para o apoio á cooperación en actividades de información e promoción dos produtos agrícolas e alimenticios galegos acollidos a réximes de calidade realizadas por grupos de produtores, no marco do Plan estratéxico da PAC 2023-2027, e se convocan para o exercicio orzamentario 2025 (código de procedemento MR302A).
Cuarto. Importe
Trátase de subvencións a fondo perdido do 70 % do gasto realizado. O orzamento total da convocatoria é de dous millóns de euros (2.000.000 €) para a anualidade 2025 e dun millón de euros (1.000.000 €) para a anualidade 2026.
Quinto. Prazo de presentación de solicitudes
O prazo de presentación de solicitudes será dun mes, que se contará a partir do día seguinte ao da publicación da resolución da convocatoria no Diario Oficial de Galicia.
Santiago de Compostela, 24 de marzo de 2025
Martín Alemparte Vidal
Director da Axencia Galega da Calidade Alimentaria