En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Urbanización Finca Manzanares, S.L.

Expediente: DH.A36.106887.

Volume total anual: 7.988,00 m3/ano.

Caudal máximo instantáneo: 0,27 l/s.

Destino: rega.

Orixe: catro (4) mananciais M1 a M4:

M1 en parc. 1, pol. 37 do catastro de Nigrán.

M2, M3 e M4 en parc. 149, pol. 38, do catastro de Nigrán.

Lugar: O Carregal.

Parroquia: Panxón.

Concello: Nigrán.

Descrición:

A auga dos mananciais condúcese a unha balsa de acumulación de formigón 5.198 l na parc. 149, pol. 38, da que se bombea ao depósito PE 3.000 l. A carón do depósito preténdese construír unha caseta que conterá un sistema para a rega por aspersión e goteo desa mesma parcela, que albergará un cámping.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2-4º, 36240 Vigo (Pontevedra).

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 7 de marzo de 2025

Susana Pérez González
Xefa do Servizo Territorial da Zona Hidrográfica de Galicia Sur