En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Restauración del Hábitat y Medio Ambiente Caamaño, S.L.

NIF: B36366136.

Expediente: DH.V36.98890.

Lugar: O Pousadoiro.

Parroquias: Cea e Godos.

Concellos: Vilagarcía de Arousa e Caldas de Reis, respectivamente.

Tipo de vertedura: augas residuais industriais de escoamento depuradas.

Caudal máximo anual: 19.326 m³/ano.

Punto de vertedura: X=523.082; Y=4.715.121.

Medio receptor: rego de Cadorra (bacía do río Umia).

Tratamento/evacuación: as augas residuais industriais de escoamento xeradas nas instalacións son tratadas nunha balsa de decantación antes da súa vertedura á valgada natural do terreo que remata no rego de Cadorra.

O proxecto pode consultarse na sección de participación pública do portal de internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.

Os interesados poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 23 de xaneiro de 2025

Leticia Valladares López
Xefa da Área de Verteduras