No Xulgado Contencioso-Administrativo número 2 de Ourense, tramítase o recurso 258/2024 (procedemento abreviado), interposto por Míriam Paz Vázquez, contra a desestimación presunta por silencio administrativo, do recurso de reposición interposto o 29 de agosto de 2024 fronte á Resolución da Dirección Xeral de Recursos Humanos, do 20 de agosto de 2024 (DOG núm 164, do 27 de agosto), pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de abril de 2025

María del Mar Pousa Cobas
Directora xeral de Recursos Humanos