O Pleno do Concello do Carballiño, na sesión ordinaria que tivo lugar o 6 de marzo de 2025, adoptou, entre outros, e por maioría absoluta, o seguinte acordo:
«6. Expediente 524/2025. Expediente 524/2024. Proposta de cambio de uso de parcelas (zona verde a dotacional deportivo) no futuro complexo deportivo da Uceira, no polígono industrial da Uceira.
O Alcalde pasa a explicar a proposta que chega ao Pleno previamente ditaminada pola Comisión especial de Contas, Economía, Facenda, Orzamentos, Administración Xeral, Urbanismo, Contratación Administrativa e Deportes, do 20.2.2025,
(…)
Tras as intervencións dos voceiros dos distintos grupos políticos, a Corporación, por unanimidade de todos os seus membros,
ACORDA:
Primeiro. Ao abeiro do artigo 42.5 da Lei 2/2016, do 10 de febreiro, do solo de Galicia, acórdase o cambio de uso dos terreos cualificados como sistema xeral de zonas verdes polo sistema xeral de equipamentos de dotacións-dotacional deportivo, terreos sitos dentro da delimitación do plan parcial do polígono industrial da Uceira e comprende as parcelas coas seguintes referencias catastrais:
7491707 NG7979S 0001 AL
7491715 NG7979S 0001 PL
7491716 NG7979S 0001 LL
Segundo. Publicar o presente acordo no Diario Oficial de Galicia e no Boletín Oficial da provincia de Ourense e comunicarllo á Dirección Xeral de Ordenación do Territorio e Urbanismo da Consellería de Medio Ambiente, Territorio e Vivenda, para os efectos da súa inclusión nos sistemas de información urbanística da Comunidade Autónoma».
O que se fai público para a súa executividade, comunicando que contra o citado acordo, con carácter de disposición administrativa de carácter xeral, que pon fin á vía administrativa, quen se considere lexitimado poderá interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio no DOG, conforme o establecido nos artigos 10.1 e 46.1 da Lei 29/1998, do 13 de xullo, reguladora da xurisdición contencioso-administrativa. Todo iso sen prexuízo de que se poida interpoñer calquera outro recurso que se entenda máis procedente e sexa conforme a dereito.
Así mesmo, infórmase que o contido íntegro do cambio de uso aprobado pódese consultar fisicamente nas dependencias da área Municipal de Urbanismo; e de forma dixital na sede electrónica do Concello do Carballiño (https://carballino.sedelectroniga.gal/-Portal de transparencia).
Unha vez publicado o anuncio no DOG, o instrumento de plan que serve de base a este acordo será rexistrado, se procede, no Rexistro de Ordenación do Territorio e Plan Urbanístico de Galicia, por pedimento deste concello, para o que se remitirá un exemplar en soporte dixital, debidamente dilixenciado pola Secretaría do Pleno.
O Carballiño, 13 de marzo de 2025
O alcalde
P.D. (Decreto do 3.7.2024)
José Rafael Castro-Gil Seijas
Concelleiro de Urbanismo