O Pleno da Corporación, en sesión ordinaria que tivo lugar o 31 de xaneiro de 2025, aprobou inicialmente a modificación puntual núm. 8 das normas subsidiarias de planeamento de Vila de Cruces, para os efectos de redelimitar o núcleo rural da Contiña, parroquia de Larazo.

De conformidade co disposto no artigo 191 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, sométese a información pública o citado documento aprobado inicialmente e dilixenciado pola Secretaría Xeral Municipal, por un prazo de dous meses, que comezarán a contar a partir da publicación deste anuncio.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición das persoas interesadas na seguinte ligazón:

https://nextcloud.viladecruces.gal/s/xHsnMdExCToASPQ

Vila de Cruces, 7 de abril de 2025

Luis Celso Taboada Sánchez
Alcalde