A Universidade de Vigo publicou unha modificación parcial da relación de postos de traballo do persoal técnico, de xestión e de administración e servizos no Diario Oficial de Galicia do 27 de marzo de 2025, mediante a Resolución do 17 de marzo de 2025.

Consonte o establecido no artigo 38 da Lei 2/2015, do 29 de abril, do emprego público de Galicia, e en exercicio das competencias que lle confire a normativa vixente, este reitorado resolve modificar a relación de postos de traballo do persoal técnico, de xestión e de administración e servizos desta universidade, cos efectos previstos na Resolución do 17 de marzo de 2025, nos seguintes termos:

– O posto de xefe/a da Sección de Selección e Programas, con código 04630 PF1041 1, pasa a denominarse: xefe/a da Sección de Selección, con código 04650 PF1041 1.

– O posto de técnico/a de biotecnoloxía, con código 11700 PF1250 1, pasa a localizarse no edificio Campus da Auga, no Campus de Ourense, con código 16400 PF1250 1.

Contra esta resolución, que esgota a vía administrativa, poderase interpoñer recurso ante a xurisdición contencioso-administrativa, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Non obstante, as persoas interesadas poderán optar por interpoñer contra esta resolución recurso de reposición, no prazo dun mes contado a partir do día seguinte ao da súa publicación, ante o mesmo órgano que a ditou. Neste caso non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición interposto, segundo o previsto no artigo 123.2 da Lei 39/2015, do 1 de outubro, do procedemento administrativo común das administracións públicas.

Vigo, 24 de abril de 2025

Manuel Joaquín Reigosa Roger
Reitor da Universidade de Vigo