En virtude do disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación dos requirimentos de documentación no último domicilio das persoas interesadas sen que esta se puidese efectuar por causas non imputables á Administración, a través deste anuncio notifícanselles os ditos requirimentos ditados nos procedementos competencia deste departamento territorial ás persoas citadas nos anexos, emprazándoas para que no prazo de dez (10) días hábiles, contados desde o día seguinte á data da súa publicación no Boletín Oficial del Estado, comparezan persoalmente ou debidamente representadas no Departamento Territorial da Coruña da Consellería de Política Social e Igualdade, no Servizo de Prestacións, Inclusión e Inmigración (rúa Gregorio Hernández, nº 2-4, A Coruña), das 9.00 ás 14.00 horas, para ter coñecemento íntegro do contido dos ditos requirimentos. Transcorrido o prazo, no caso de non facelo, as notificacións teranse por efectuadas ao vencemento do dito prazo indicado para comparecer.

Así mesmo, este anuncio publicarase no Diario Oficial de Galicia, ben que as notificacións quedarán supeditadas á súa publicación no Boletín Oficial del Estado.

Advírtese que por ser a documentación requirida imprescindible para continuar co procedemento, no caso de non presentala por causas imputables á persoa interesada no prazo que se indique no requirimento unha vez notificado logo da comparecencia, procederá a suspensión de conformidade co establecido no artigo 16.2 do Real decreto 357/1991, do 15 de marzo, polo que se desenvolve, en materia de pensións non contributivas, e co Real decreto lexislativo 8/2015, do 30 de outubro, polo que se aproba o texto refundido da Lei da Seguridade Social.

A Coruña, 14 de abril de 2025

María Blanco Aller
Directora xeral da Coruña

ANEXO I

Procedemento BS650A

Nº de expediente	Persoa interesada DNI/NIE	Acto administrativo	Data do acto administrativo
150111998	32658081J	Requirimento de documentación	20.11.2024
150020917	32962071N	Requirimento de documentación	13.11.2024

ANEXO II

Procedemento BS650G

Nº de expediente	Persoa interesada DNI/NIE	Acto administrativo	Data do acto administrativo
150056312	32388821Z	Requirimento de documentación	16.10.2024
150086712	76331209M	Requirimento de documentación	4.11.2024
150054819	X2351635T	Requirimento de documentación	21.10.2024
150008921	35611557J	Requirimento de documentación	13.11.2024