En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Francisco Gómez y Cía, S.L.

NIF: B15009533.

Expediente: DH.V15.105263.

Lugar: A Pila dos Marcos.

Parroquia: Recemel.

Concello: As Somozas.

Tipo de vertedura 1: augas residuais industriais de escorremento depuradas.

Caudal máximo anual 1: 19.168,44 m3/ano.

Punto de vertedura 1: X=586.503; Y=4.815.830.

Medio receptor 1: leito innominado (bacía do río Grande de Xubia).

Tratamento/evacuación 1:

As augas residuais industriais de escorremento xeradas na bacía núm. 1 (norte) da explotación son tratadas nun sistema de catro balsas de decantación dispostas en serie antes da súa vertedura, discorrendo por escorremento natural ata a súa incorporación a un leito innominado.

Tipo de vertedura 2: augas residuais industriais de escorremento depuradas.

Caudal máximo anual 2: 41.150,04 m3/ano.

Punto de vertedura 2: X=586.562; Y=4.815.726.

Medio receptor 2: leito innominado (bacía do río Grande de Xubia).

Tratamento/evacuación 2:

As augas residuais industriais de escorremento xeradas na bacía núm. 2 (sur) da explotación son tratadas nun sistema de sete balsas de decantación dispostas en serie-paralelo antes da súa vertedura, discorrendo por escorremento natural ata a súa incorporación a un leito innominado.

Tipo de vertedura 3: augas residuais fecais depuradas.

Caudal máximo anual 3: 98 m3/ano.

Punto de vertedura 3: X=586.658; Y=4.815.568.

Medio receptor 3: infiltración no terreo (bacía do río Grande de Xubia).

Tratamento/evacuación 3:

As augas residuais fecais xeradas nas instalacións son tratadas nunha fosa séptica de decantación-dixestión con filtro biolóxico deseñada para 7 habitantes equivalentes, verténdose o efluente depurado por infiltración no terreo (bacía do río Grande de Xubia) mediante gabia filtrante.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 20 de febreiro de 2025

Leticia Valladares López
Xefa da Área de Verteduras