A resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral de Emprego Público e Administración de Persoal, publicada no DOG núm. 16, do 24 de xaneiro.

Unha vez finalizado o proceso selectivo para o ingreso na agrupación profesional do persoal funcionario subalterno da Administración xeral da Comunidade Autónoma de Galicia, en prazas reservadas para seren cubertas por persoas que acrediten discapacidade intelectual, convocado pola Resolución do 30 de marzo de 2022 (Diario Oficial de Galicia número 65, do 4 de abril); e, unha vez acreditado o cumprimento dos requisitos exixidos nesta por parte das persoas aspirantes, co obxecto de adxudicarlles destinos definitivos, e segundo a base 4.6 da convocatoria, esta consellería

DISPÓN:

Primeiro. Publicar como anexo I a relación de persoas aspirantes que superaron o proceso selectivo e que son convocadas á elección de destino definitivo, segundo a orde que, en aplicación da base 4.6 da convocatoria, deberá seguirse para os efectos da adxudicación de destino.

Segundo. Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao subgrupo a que acceden e de conformidade co indicado no anexo II desta resolución.

Terceiro. Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.

No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico a que se poderá acceder a través da páxina web da Dirección Xeral de Emprego Público e Administración de Persoal funcionpublica.xunta.gal, seguindo a ruta Función pública–Procesos selectivos.

Cuarto. Para a selección de destinos, as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións «Renuncia», «Solicitude de excedencia» ou «Escoller posto».

1º) De elixir a opción «Renuncia», deberaa presentar por escrito no Rexistro da Xunta de Galicia no mesmo prazo previsto na disposición terceira. A persoa aspirante que exerza esta opción quedará excluída do proceso e decaerá no seu dereito a ser nomeada persoal funcionario de carreira do subgrupo a que accede.

2º) De elixir a opción «Solicitude de excedencia», deberaa presentar por escrito no Rexistro da Xunta de Galicia no mesmo prazo previsto na disposición terceira, sempre que cumpra os requisitos exixidos no artigo 174 (excedencia por prestación de servizos no sector público) da Lei 2/2015, do 29 de abril, de emprego público de Galicia. Neste sentido, as persoas que a soliciten por prestar servizos noutra Administración deberán presentar a documentación que acredite o cumprimento dos requisitos exixidos no mesmo prazo previsto na disposición terceira.

3º) De elixir a opción «Escoller posto», a persoa aspirante seleccionará, por orde de preferencia, os destinos que se ofertan. No suposto de que escolla un número de prazas inferior ao da posición que ocupa no proceso, as persoas aspirantes que cumpran os requisitos exixidos no artigo 174 da Lei 2/2015, do 29 de abril, do emprego público de Galicia, poderán solicitar ser declaradas en excedencia por prestación de servizos no sector público; o que deberán de manifestar mediante a presentación dunha solicitude por escrito e no mesmo prazo previsto na disposición terceira, á cal deberán achegar tanto a copia da última orde de prelación dos postos ofertados e seleccionados no sistema electrónico debidamente asinada como, no caso de solicitala por prestar servizos noutra Administración, a documentación que acredite o cumprimento dos requisitos exixidos.

Quinto. Ás persoas aspirantes que non presenten a súa solicitude de elección no prazo sinalado; ou seleccionen un número de prazas inferior ao da posición que ocupan no proceso e non se lles adxudique ningún destino e non cumpran os requisitos para seren declarados en excedencia; ou non presentase a súa solicitude no xeito previsto nesta resolución, seranlles adxudicados en destino os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás aspirantes presentes ou representadas, entre os que quedasen sen adxudicar.

Sexto. Todas as comunicacións que formulen as persoas aspirantes dirixiranse á Consellería de Facenda e Administración Pública, Dirección Xeral de Emprego Público e Administración de Persoal, Servizo de Selección (Edificio Administrativo San Caetano, Santiago de Compostela). Para isto, deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal; ou ben presentará a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Sétimo. Finalizado o prazo para a elección de destinos, a aplicación efectuará a adxudicación automática de destinos, en función do subgrupo a que se accede e orde de prelación acadada por cada persoa aspirante no proceso e atendendo á orde de preferencia na selección de destinos efectuada por esta.

A adxudicación definitiva de postos resolverase mediante resolución da consellería competente en materia de función pública e publicarase no DOG.

Oitavo. Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral de Emprego Público e Administración de Persoal funcionpublica.xunta.gal

Noveno. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de maio de 2025

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO I

Nº orde	DNI	Apelidos e nome
1	***5985**	Vázquez Batán, David
2	***0669**	Blanco Lamas, Belén
3	***2731**	Caamaño Villar, María José
4	***9055**	Cabaleiro Groba, Sofía
5	***5834**	Fernández Porto, Lara María
6	***9733**	Fernández Rancaño, Francisco Javier
7	***0864**	Iglesias Suárez, Miguel
8	***2448**	Otero Fernández, David
9	***7411**	Rama Díaz, Marta
10	***8542**	Álvarez Fernández, Mario
11	***9404**	Andión Cabaleiro, Damián
12	***7869**	López Valín, Sofía
13	***5284**	López Baamonde, Sabela
14	***9104**	Martínez Baz, María
15	***0501**	Pérez Fernández, Miguel
16	***6411**	Rodríguez López, Lucas
17	***7425**	Sieira Santos, Marcos
18	***5098**	Vilaboa Piteira, Jorge José
19	***3059**	Costa Raña, María del Carmen
20	***9285**	Fernández Pérez, Alba
21	***8301**	González López, Verónica
22	***2847**	Lago Oubiña, Rubén
23	***6878**	Martínez Gestal, Gema
24	***3832**	Pardo González, Raúl
25	***6813**	Rodríguez Fernández, Ester
26	***9623**	Vila Fernández, Sandra
27	***7475**	Fernández Álvarez, Javier
28	***9933**	Gómez Grande, Pablo

ANEXO II

Prazas ofertadas

Nº	Código	Denominación	Cons.	Centro de destino	Centro directivo	Concello	Subgrupo	Nivel	Formación	Observacións
1	PRC994000036560061	Subalterno/a	PR	Edificio administrativo (Vigo)	Servizos periféricos	Vigo	AP	10
2	PRC994000036560067	Subalterno/a	PR	Edificio administrativo (Vigo)	Servizos periféricos	Vigo	AP	10
3	EDC995030136001031	Vixilante/a de arquivos, bibliotecas e museos	CU	Arquivo Histórico Provincial de Pontevedra	Servizos periféricos	Pontevedra	AP	10		Horario especial//xornada mañá ou tarde
4	PRC991000036001100	Subalterno/a	PR	Xefatura Territorial de Pontevedra	Servizos periféricos	Pontevedra	AP	10
5	PRC991000036001101	Subalterno/a	PR	Xefatura Territorial de Pontevedra	Servizos periféricos	Pontevedra	AP	10
6	PRC994000036560063	Subalterno/a	PR	Edificio administrativo (Vigo)	Servizos periféricos	Vigo	AP	10
7	SAC991000027001026	Subalterno/a	SA	Xefatura Territorial de Lugo	Servizos periféricos	Lugo	AP	10		Xornada de tarde
8	PRC991000027001026	Subalterno/a	PR	Xefatura Territorial de Lugo	Servizos periféricos	Lugo	AP	10
9	PRC991000027001092	Subalterno/a	PR	Xefatura Territorial de Lugo	Servizos periféricos	Lugo	AP	10
10	EDC994030127280004	Subalterno/a	ED	IES Pedregal de Irimia (Meira)	Servizos periféricos	Meira	AP	10		Horario especial
11	EDC995020132001029	Vixilante/a de arquivos, bibliotecas e museos	CU	Museo de Ourense	Servizos periféricos	Ourense	AP	10		Horario especial//xornada mañá ou tarde
12	EDC995020132680026	Vixilante/a de arquivos, bibliotecas e museos	CU	Museo Etnolóxico de Ribadavia	Servizos periféricos	Ribadavia	AP	10		Horario especial//xornada mañá ou tarde
13	PXA291000032001028	Subalterno/a	PX	Área Provincial de Ourense	Axencia Turismo de Galicia (servizos periféricos)	Ourense	AP	10
14	EIC991000032001042	Subalterno/a	EM	Xefatura Territorial de Ourense	Servizos periféricos	Ourense	AP	10
15	EIC991000032001560	Subalterno/a	EM	Xefatura Territorial de Ourense	Servizos periféricos	Ourense	AP	10
16	IVC020000015770054	Subalterno/a	IV	Secretaría Xeral Técnica	Secretaría Xeral Técnica	Santiago de Compostela	AP	10
17	TRI010000015770014	Subalterno/a	EM	Consello Galego de Relacións Laborais	Consello Galego de Relacións Laborais	Santiago de Compostela	AP	10
18	PX1010000115770040	Subalterno/a	PX	Secretaría Xeral da Presidencia	Secretaría Xeral da Presidencia	Santiago de Compostela	AP	10
19	MAA010000015770022	Subalterno	IV	Secretaría Xeral	Augas de Galicia	Santiago de Compostela	AP	10
20	ED8010000015770005	Subalterno/a	ED	D.X. de Formación Profesional	Dirección Xeral de Formación Profesional	Santiago de Compostela	AP	10
21	PRC030000115001158	Subalterno/a	PR	S.X. de Persoal da Administración de Xustiza (A Coruña)	Dirección Xeral de Xustiza	A Coruña	AP	10
22	EDC995020115001035	Vixilante/a de arquivos, bibliotecas e museos	CU	Museo de Belas Artes da Coruña	Servizos periféricos	A Coruña	AP	10		Horario especial//xornada mañá ou tarde
23	PRC991000015001036	Subalterno/a	PR	Xefatura territorial A Coruña	Servizos periféricos	A Coruña	AP	10
24	PSC991000015001676	Subalterno/a	PS	Departamento Territorial da Coruña	Servizos periféricos	A Coruña	AP	10
25	FCC070000015770025	Subalterno/a	FC	D.X. da Función Pública	Dirección Xeral da Función Pública	Santiago de Compostela	AP	10	Permiso de conducir B (R.I.)	Tarefas de condución ademais das propias do posto de traballo
26	EDC994050115770007	Subalterno/a	ED	Escola Oficial de Idiomas (Santiago de Compostela)	Servizos periféricos	Santiago de Compostela	AP	10		Horario especial
27	EDC994020315001007	Subalterno/a	ED	CIFP Ánxel Casal-Monte Alto (A Coruña)	Servizos periféricos	A Coruña	AP	10		Horario especial
28	EDC994040215001009	Subalterno/a	ED	Conservatorio Profesional de Música (A Coruña)	Servizos periféricos	A Coruña	AP	10		Horario especial