A Axencia Galega de Infraestruturas solicita de Augas de Galicia a autorización de obras coas seguintes características:

Solicitante: Axencia Galega de Infraestruturas.

Expediente: DH.W36.106596.

Concello: Marín.

Descrición das obras: obras para eixe de mobilidade peonil e ciclista que conecte o núcleo de poboación de Marín coa cidade de Pontevedra ao longo da estrada PO-546, cunha lonxitude de 6 km, 4,4 km no concello de Pontevedra e 1,6 km no concello de Marín, coa ampliación da plataforma existente entre o sur de Pontevedra e a periferia de Marín, reordenación da sección e eliminación de barreiras no treito Praceres-Marín.

Este anuncio ten por obxecto abrir a regulamentaria información pública que prescribe o artigo 109 do Real decreto 849/1986, do 11 de abril, polo que se aproba o Regulamento do dominio público hidráulico, para xeral coñecemento, por un prazo de vinte (20) contados a partir do seguinte ao da data de publicación no Diario Oficial de Galicia, co fin de que os que se sintan prexudicados poidan presentar as súas reclamacións, durante o prazo sinalado, no Concello de Marín ou nas oficinas deste servizo, situadas na rúa López de Neira, 3, 4º, local 403, Vigo (Pontevedra), onde estará exposto o expediente de que se trata, para que poida ser examinado por quen o desexe, cita previa no enderezo electrónico dgs.augas@xunta.gal. O proxecto obxecto desta autorización estará dispoñible para a súa consulta na páxina web deste organismo de conca http://augasdegalicia.xunta.gal, na sección denominada participación pública.

Vigo, 6 de maio de 2025

Susana Pérez González
Xefa do Servizo Territorial da Zona Hidrográfica de Galicia Sur