En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de modificación da autorización de vertedura:

Solicitante: Barlovento, S.A.

NIF: A-36013340.

Expediente: DH.V36.65731.

Lugar: O Porto de Meloxo.

Parroquia: O Grove.

Concello: O Grove.

Tipo de vertedura: augas residuais industriais depuradas.

Caudal máximo anual: 139.199,04 m3/ano.

Punto de vertedura: X=509.029, Y=4.704.184.

Medio receptor: Ría de Arousa.

Tratamento/evacuación: as augas residuais industriais xeradas na limpeza da planta e no procesamento do mexillón son tratadas nun sistema de depuración deseñado para un caudal de 50 m3/h, constituído por pozo de bombeo, peneira rotativa automática e depósito de decantación.

As augas residuais industriais depuradas vértense á ría de Arousa no dique do peirao a través da condución de vertedura comunitaria existente na zona.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 22 de abril de 2025

Leticia Valladares López
Xefa da Área de Verteduras